Galaxy S23 Ultra ўзининг илк сертификатини қабул қилди

Galaxy S23 Ultra ўзининг илк сертификатини қабул қилди

Samsung компаниясининг навбатдаги флагман смартфонлари, Galaxy S23 сериясидаги Ultra модел Хитойнинг 3C сертификатидан ўтганлиги маълум бўлди. Унга кўра, смартфон модел рақами SМ-S9180 бўлиб, унинг максимум зарядланиш тезлиги 25 ватт бўлади.

Таъкидлаш жоизки, бу ҳозирги Galaxy S22 Ultra'нинг 45 ваттда қувватланишидан анча паст, бироқ гап сонларда эмас. Синовдан ўтказилганлигида 45 ватт билан Galaxy S22 Ultra ўзининг аввалгиси, 25 ваттли Galaxy S21 Ultra'дан бирозгина тезроқ қувватланиши маълум бўлган. Янада тушунарлироқ қилиб айтганда Galaxy S22 Ultra нолдан бошлаб 100 фоизгача 59 дақиқада қувватланади, Galaxy S21 Ultra эса 1 соат-у 11 дақиқада. Қисқаси, Galaxy S23 Ultra қувватланиш борасида Galaxy S22 Ultra даражасида бўлади. Аммо, бошқа хитойлик смартфон ишлаб чиқарувчиларининг флагманлари қанчалик тез зарядланишини эслайдиган бўлсак, Samsung улардан анча орқада эканлигини билишимиз мумкин.

Galaxy S23 Ultra деярли ўзгармаган дизайн ва ўлчамда 200 МП асосий камера билан Snapdragon 8 Gen 2 чипсетида чиқарилиши миш-миш қилимоқда.

ЎҚИНГ: Ушбу Galaxy смартфонлари кейинги йилгача Android 13 янгиланишини қабул қилади

Terabayt.uz сайтининг видеолари: Youtube'даги каналимизда!