Galaxy S23'нинг "узоқ қариндоши": Galaxy А14 рендерлари тарқатилди

Galaxy S23'нинг

Яқинда @ОnLeaks тахаллуси билан танилган маълумотчи, Стив Хеммерстоффер, ўзининг ҳамкорлари билан интернетда Galaxy S23 ва Galaxy S23+'нинг юқори сифатли рендерларини тарқатган эди. Эндиликда у Giznext билан ҳамкорликда Samsung'нинг яна бир смартфони, Galaxy А14'нинг юқори сифатли суратларини ҳам улашди.

Бир қарашда Galaxy А14 ҳам яқинда тарқатилган Galaxy S23/S23+ смартфонлари дизайнидан деярли фарқ мавжуд эмасга ўхшайди. Шуни айтиш мумкинки, ушбу бюджет модел ҳам компаниянинг янги авлод флагманларидек орқа камера оролисиз дизайнга эга: смартфондаги учлик камералар Galaxy А32/Galaxy S22 Ultra'да бўлгани каби ташқарига бўртиб чиқиб туради.

Агар Galaxy S23/S23+ смартфонлари ва Galaxy А14 ташқи кўриниши ўртасида фарқ бўлса, бу уларнинг олд камераси дизайнида бўлиши мумкин: Galaxy А14 смартфони Infinity-U дизайнидаги дисплейга эга. Шунингдек, смартфон ён томонлари деярли текис қилинган бўлиб, тасвирларда USB-C порти ва бугунги кунда смартфонлардан йўқолиб бораётган наушник уясини ҳам кўришимиз мумкин.

Маълум бўлисича, Galaxy А14 смартфони 167.7х78.7х9.3 мм ўлчамда, 6.8 дюймли FHD+ экран ва 5G қўллаб-қувватланиши билан кейинги йили чиқарилади.

ЎҚИНГ: iPhone 14 Pro модели DxOMark тестидан ўтди