Galaxy Tab S8, S8+ ҳамда S8 Ultra планшетлари тақдим этилди
Galaxy S22 серияси учта: S22, S22+ ва S22 Ultra моделларидан иборат. Samsung ушбу ном стратегиясини Galaxy Tab S8 сериясига ҳам қўллади.
ЎҚИНГ: Samsung Galaxy S22 Ultra тақдим этилди: Note дизайнидаги S смартфон
Янги планшетлар фалгаман даражада бўлиб, Tab S8 Ultra уларнинг энг кучлиси.
Galaxy Tab S8 Ultra
Сериядаги энг катта ва энг кучли планшет Tab S8 Ultra бўлиб, унга 120Hz экран янгиланиш частотасида ишловчи 2960х1848p резолюциядаги 14.6 дюймли Super AMOLED дисплейи ўрнтилган.
Худди Apple қурилмалари каби планшет дисплейининг юқори қисмида селфи камера ўрин олган чёлка панель жойлашган.
Samsung ушбу моделнинг корпус қалинлигини 6.3 миллиметрга қисқартиришга муваффақ бўлган. Иккита 12МП селфи камера олд панелдан ўрин олган бўлса, орқа панелга 13МП асосий ҳамда 6МП ультракенг камералар жойлашган. Асосий ҳамда селфи камера 4K форматда видео ёзиш имкониятига эга.
S8 Ultra планшети тўртта AKG динамиклари ҳамда оптик бармоқ изи сканери билан жиҳозланган. Барча моделлар S Pen стилусига эга. Планшетнинг корпуси алюминийдан ишланган бўлиб, Samsung'нинг таъкидлашича, бу олдинги моделларнинг корпусидан кўра чидамлироқ.
Snapdragon 8 Gen1 чипи планшетнинг равон ишлашига жавоб беради. Қурилманинг 8/12/16ГБ тезкор ҳамда 128/256/512ГБ доимий хотирага эга бўлган турлари мавжуд. Хотирани microSD картаси билан кенгайтириш имконияти яратилган.
Планшет Android 12 операцион тизимига асосланган One UI 4.1 график қобиғида ишлайди. Унда Clip Studio Paint каби иловлар бўлиб, у орқали Galaxy S22 Ultra'ни планшетга боғлаш мумкин бўлади. Шунингдек, Tab S8 қурилмалари Wireless DeX функциясига эга. Ушбу функция планшетни ноутбукларга улаш имконини беради.
Tab S8 Ultra модели 45 ваттда қувват олувчи 11,200 мАс сиғимли аккумулятор билан жиҳозланган. Унинг нархи 1,159 доллардан бошланади.
Galaxy Tab S8 ва Tab S8+
Агар 14.6 дюймли Tab S8 Ultra'ни катта ёки қиммат десангиз, 11 дюймли Tab S8 ёки 12.4 дюймли Tab S8+ моделларини танлашингиз мумкин. Ушбу планшетлар ҳам Ultra модель каби Snapdragon 8 Gen1 чипи билан жиҳозланган ҳамда уларнинг ҳам корпуси алюминийдан ишланган.
Tab S8 моделига 120Hz янгиланиш частотасида ишловчи 2560х1600 пиксел резолюциядаги 11 дюймли LTPS TFT дисплейи ўрнатилган.
Tab S8+ эса 120Hz янгиланиш частотасига эга бўлган 2800х1752 пиксел резолюциядаги 12.4 дюймли Super AMOLED дисплейи билан жиҳозланган.
Оддий модель ён томонда жойлашган бармоқ изи сканери, Plus модель эса дисплей остида жойлашган оптик бармоқ изи сканерига эга. Иккала модель ҳам иккита 12МП селфи камера ҳамда орқа панелда жойлашган 13МП асосий ва 6МП ультракенг камералар билан жиҳозланган.
Планшетлар Ultra модель каби тўртта AKG динамиклари ва S Pen стилусига эга. Уларнинг 8/12ГБ тезкор ҳамда 256/512ГБ доимий хотирага эга бўлган турлари мавжуд бўлиб, барчаси Android 12 операцион тизимига асосланган One UI 4.1 график қобиғида ишлайди.
Иккала модель 45 ваттда қувват олса-да, уларнинг аккумулятори ҳажми турлича. Tab S8 модели 8,000 мАс, Tab S8+ эса 10,900 мАс сиғимли аккумулятор билан жиҳозланган.
Tab S8 планшетининг нархи 700 доллардан, Tab S8+ моделиники эса 900 доллардан бошланади.
