Galaxy Tab S8 серияси планшетларининг техник жиҳатлари маълум бўлди
Samsung компанияси 9 февраль санасида Galaxy S22 смартфонлари ҳамда Galaxy Tab S8 планшетларини тақдим этади.
Бир неча кун олдин инсайдер Эван Бласс S22 смартфонларини расмий рендерларини тақдим этган эди. Энди эса у Galaxy Tab S8, S8+ ҳамда S8 Ultra планшетларининг дисплейи, аккумулятор ҳажми, корпус ўлчамлари ҳамда қадоқ таркиби ҳақида маълумот бермоқда.
Galaxy Tab S8 Ultra планшети 120Hz частотада ишловчи 2960х1848 пиксел резолюциядаги 14.6 дюймли Super AMOLED дисплейга эга бўлади. Унинг корпус ўлчамлари 326.4х280.6х5.5 мм, оғирлиги эса 728 граммни ташкил қилади.
Қурилма Snapdragon 8 Gen1 чипи ва 45 ваттда қувват олувчи 11,200 мАс сиғимли аккумуляторга эга бўлади. Унинг қутисидан S Pen, USB-C кабели ҳамда SIM-карта эжектори ўрин олади.
Galaxy Tab S8+ моделининг қутисида ҳам худди шундай аксессуарлар ўрин олган. Унинг корпус ўлчамлари 285х185х5.7 мм, оғирлиги эса 572 граммни ташкил қилади. 2800х1752 пиксел резолюциядаги 12.4 дюймли Super AMOLED дисплейи ўрнатилади.
Қурилма 45 ваттда қувват олувчи 10,090 мАс сиғимли аккумулятор билан жиҳозланади.
Сериядаги энг кичик планшет Galaxy Tab S8 бўлиб, унг 120Hz частотани қўллаб-қувватловчи 2560х1600 пиксел резолюциядаги 11 дюймли LCD дисплей ўрнатилади. Планшетнинг корпус ўлчамлари 253.8х165.3х6.3 мм оғирлиги эса 503 граммни ташкил қилади.
Қурилма 45 ваттда қувват олувчи 8,000 мАс сиғимли аккумулятор билан жиҳозланади.
ЎҚИНГ: Samsung Galaxy S22 Ultra биринчи марта расмий тасвирларда намойиш этилди
