Galaxy Z Fold учун янги рақиб тақдим қилинди

Galaxy Z Fold учун янги рақиб тақдим қилинди

Хитойнинг таниқли мобил қурилмалар ишлаб чиқарувчи Vivo компанияси ўзининг илк букланадиган Vivo X Fold смартфонини Хитой бозори учун сотувга чиқарганини эълон қилди. Жанубий Кореянинг Samsung компанияси Galaxy Z Fold 3 букламафони учун жиддий рақиб бўла оладиган Vivo X Fold ичкарида 8.03 дюймли, ёпилганидан кейин ташқарисида 6.53 дюймли дисплейга эга.

Samsung сингари, Vivo ҳам ўз букламафони дисплейи учун Schott томонидан ишлаб чиқарилган ултра юпқа шиша (UTG) қатламидан фойдаланади, бу эса экран чидамлилигига ёрдам беради. Маълумотларига кўра, Vivo X Fold 300 000 букланишга чидамли бўлиб, бу Samsung Galaxy Z Fold 3 учун даъво қилинган 200 000 букланишдан юз мингга кўп.

Vivo X Fold Qualcomm'нинг Snapdragon 8 Gen 1 процессоридан қувватланади ва 4600 mAh сиғимли аккумуляторга эга бўлиб, уни симсиз 50W қувватда ёки кабел ёрдамида 66W қувватда қувватлантириш мумкин. Унинг иккала экрани 120Hz гача янгиланиш тезлигини қўллаб-қувватлайди ва уларга ултратовушли бармоқ излари сканери ўрнатилган.

Букламафоннинг орқа томонида тўртта камера мавжуд: 50 мегапикселли асосий камера, 48 мегапикселли ултра кенг, 12 мегапикселли телефото ва 8 мегапикселли перископ. Ички ва ташқи экранлар 16 мегапикселли ўлчамлари билан тешилган селфи камералари билан жиҳозланган.

Vivo X Fold'нинг нархи унинг 12GB оператив хотира ва 256GB хотирали модели учун 8 999 ¥ (тахминан 1 413 доллар)дан бошланади. Шунингдек, 512GB ҳажмли хотира варианти ҳам бор, у 9999 ¥ (тахминан 1570 доллар) га сотилади.

ЎҚИНГ: LED чироғи иловаларидан фойдаланасизми? Унда ушбу мақолани албатта ўқинг

Сайт янгиликларидан доимий хабардор бўлиш учун Телеграм каналимизга қўшилинг!