Galaxy Z Fold4'нинг хитойча версияси қачон чиқарилиши маълум бўлди

Samsung компанияси ўтган йилнинг октябрида ўзининг W22 5G букламафони Хитойда тақдим қилган эди. Эндиликда маълум бўлишича, унинг давомчиси, W23 5G, 21 октябр куни Тошкент вақти билан 22:00 да намойиш қилинади.

Жанубий Корея компаниясининг бу йилги W23 5G букламафони қўшимча хусусиятларга эга бўлиши ҳақидаги маълумотлар мавжуд эмас. Ўтган йилги W22 5G шунчаки Galaxy Z Fold3'нинг хитойча версияси бўлганлигини ҳисобга олсак, W23 5G ҳам Galaxy Z Fold4'нинг Хитойдаги нусхаси бўлиши аниқ.

Маълум бўлишича, Samsung бу йили ҳам фақат битта қурилма билан чекланиб қолмоқчи эмас: тарқатиб юборилган тизер постерга кўра компания нафақат Galaxy Z Fold4, балки Galaxy Z Flip 4 моделини ҳам W23 Flip 5G номи остида Хитой бозорига олиб кириш ниятида.

ЎҚИНГ: Meizu ўз мухлислари билан яратилган янги смартфон дизайнларини намойиш қилди