Глобал версия Mi 11 FCC сертификатини олди

Xiaomi вакилларидан бири мухлисларга Xiaomi Mi 11 смартфони тез орада глобал бозорга сотувга чиқишини маълум қилганди. Миш-мишларга қараганда, смартфон февралдан бошлаб дўкон расталарида пайдо бўлади.

Глобал версия Mi 11 смартфони FCC агентлиги сертификатини қўлга киритди. Агентлик эълон қилган ҳужжатларга кўра, қурилманинг хотира сиғими уч хил: 6/128ГБ, 8/128ГБ ва 8/256ГБ бўлади. Бундан чиқди, глобал бозорга мўлжалланган Mi 11'нинг 12ГБ оператив хотирали талқини бўлмайди.

Смартфон иккита SIM картани қўллаб-қувватлайди, ташқи хотира воситаси учун microSD слоти эса мавжуд эмас. FCC ҳужжатида кўрсатилишича, қурилма MIUI 12 (эҳтимол, MIUI 12.5) тизимида ишлайди. Смартфон, шунингдек, 55 ваттда тезкор қувватланади.

Ҳозирга қадар смартфоннинг қачондан бошлаб сотувга чиқиши ва нархланиши номаълумлигича қолмоқда. Хитой учун чиқарилган версияси (солиқларсиз) 620 доллар атрофида сотилмоқда. Яна миш-мишларга кўра, Mi 11 Pro келаси ойдан сотувга чиқади. Mi 11 Lite модель тайёрланаётгани ҳақида ҳам миш-мишлар йўқ эмас.

ЎҚИНГ: Redmi K40 тақдимотини расман эълон қилган Xiaomi унинг нархи билан қўрқитяпти