Глобал Xiaomi 12, 12 Pro ва 12X смартфонлари тақдим этилди

Глобал Xiaomi 12, 12 Pro ва 12X смартфонлари тақдим этилди

Ниҳоят узоқ кутилган Xiaomi 12 сериясининг глобал версиялари эълон қилинди. Тез орада учала қурилма Европа, Жанубий-Шарқий Осиё, Лотин Америка ва бошқа ҳудудларда сотувга чиқади. 

Барча смартфонларнинг нархи маълум бўлди. 8/256ГБ хотирага эга бўлган Xiaomi 12 Pro моделининг нархи 1000 доллар/1000 еврони ташкил қилади. Шунингдек, унинг 12/256ГБ хотирага эга бўлган тури ҳам мавжуд. Mi 11 Pro модели халқаро бозорга сотувга чиқмаганлиги учун унинг нархини янги модель билан таққослашнинг иложи йўқ. 

Xiaomi 12 (8/128ГБ) модели эса 750 доллар/800 евро нархда сотувга чиқади. Қурилманинг 8/256 ва 12/256ГБ хотирага эга турлари ҳам мавжуд. Ўтган йилги Mi 11 (8/128ГБ)  билан таққосласак, янги моделнинг нархи 50 еврога қимматлашган. 

Xiaomi 12X модели ўз “акалари“ каби Snapdragon 8 Ген1 билан эмас, балки Snapdragon 870 чипи билан жиҳозланган. Шунинг учун у Xiaomi 12'дан 100 доллар арзонроқ, бошқача қилиб айтганда қурилманинг нархи 8/128ГБ хотира тури учун 650 доллар/700 еврони ташкил қилади. Ушбу моделнинг 256ГБ хотирага эга версияси ҳам бор.  

Учала модель ҳам кулранг, бинафша ва кўк рангларда тақдим этилди. Xiaomi 12 моделларидан бирини сотиб олган харидорлар уч ой бепул YouTube Premium иловасидан фойдаланишлари ҳамда YouTube Music Premium'га аъзо бўлишлари мумкин. 

ЎҚИНГ: Xiaomi янги ақлли соатларини қачон тақдим қилишини айтди 

Сайтимизнинг энг чиройли расмларини Инстаграмдаги саҳифамизда томоша қилинг!