Google Camera иловасида ажойиб ўзгаришлар!
Тунги режим Google Camera иловасининг энг ажойиб функцияларидан бири ҳисобланашига қарамасдан, “Еще” бўлимида қолиб кетган. Ёки бўлмасам фойдаланувчилар унинг автоматик равишда ишга тушиши учун, смартфон атрофдаги ёруғлик миқдори камлигини аниқлашини кутиб туришади.
Бета-тестерларнинг маълум қилишича, илованинг навбатдаги версияси чиққанидан сўнг ушбу муаммо бартараф этилади. Тунги суратга олиш режими асосий менюдаги панорама бўлими билан ўрин алмашади.
Google Camera’нинг янги талқини шунингдек оқ ранг баланси устидаги амаллардан маҳрум бўлади. Қолаверса, селфи-камера ишга тушганида экраннинг нур таратиши функцияси “Вспышки” эмас, балки “Подсветку” дея акс этади.
Бир нарсани унутмаслик лозимки, Google Camera’нинг ушбу версияси айни дамда тўлиқ тайёр эмас. Шундай экан, ундан яна бошқа сюрпризларни ҳам кутиш мумкин.
ЎҚИНГ: Смартфонда ажабтовур, таассуротли сурат олишнинг оддий усуллари
