Google Pixel 6 ва 6 Pro'нинг тўлиқ техник кўрсаткичлари сиздирилди

Google келаётган куз фаслида Pixel 6 ва Pixel 6 Pro смартфонларини тақдим этмоқчи. Кеча Jon Prosser смартфонларнинг якуний техник жиҳатлари ҳақида маълумот улашди.

ЎҚИНГ: Pixel Buds A чиқди: автономлиги 24 соатлик, IPX4 ҳимояли ҳамёнбоп TWS-қулоқчин! (+видео)

Аввалги авлод билан таққослаганда энг катта ўзгариш деб аккумулятор сиғимининг ошганини айтиш мумкин. Pixel 6 смартфони 4,614 мАс сиғимли аккумуляторга эга бўлса, Pro талқини 5,000 мАс сиғимли аккумуляторга эга.

Google Pixel 6 6.4 дюймли AMOLED экрани билан жиҳозланган. Қурилманинг камера модулида иккита камера бўлиб, 50МП асосий камера ҳамда 12МП ультракенг камералардан иборат. Смартфоннинг тезкор хотираси 8ГБ, доимий хотираси эса 128ГБ ёки 256ГБни ташкил қилади.

Pixel 6 Pro эса каттароқ бўлган 6.71 дюймли P-OLED дисплейи билан жиҳозланган. Қурилманинг селфи камераси 12МП. Орқа панелдаги камералар модулида учта камера: 50МП асосий камера, 48МП телефото камера ҳамда 12МП ультракенг камера жойлашган. Смартфоннинг 12ГБ тезкор хотира ҳамда 128ГБ, 256ГБ, 512ГБ доимий хотирага эга бўлган версиялари мавжуд.

Анъанага кўра, иккала смартфон ҳам янги Android 12 операцион тизимида ишловчи биринчи смартфон бўлади. Шунингдек, Google ушбу смартфонларни беш йиллик тизим янгиланишлари билан таъминлашга ваъда беради.

ЎҚИНГ: 120 дан ортиқ моделдаги Android-смартфон учун янгиланган Google Camera чиқди (+ҳаволалар)