Google Pixel 7 Pro янги рендерлар тўплами

Google Pixel 7 Pro янги рендерлар тўплами

Яқинда Google'нинг Pixel смартфони янги авлоди рендерлари инсайдерлар томонидан интернетда тарқатилган эди ва унда Pixel 7 Pro қора рангда эди. Бу сафарги хитойлик нашрлар томонидан тақдим қилинаётган рендерларда эса смартфон оч кўк рангда бўлиб, бунда унинг камера жойлашувлари янада аниқроқ кўринади.

Суратлардан кўриш мумкинки, Pixel 7 ундан аввалги авлод Pixel дизайнини сақлаб қолади. Смартфоннинг 6.7-6.8 дюймли экрани атрофи пастини ҳисобга олмаса бир хил ўлчамдаги ингичка қора рамкага билан чегараланган ва олд томон юқори марказида юмалоқ тирқишда селфи камера бор. Тескари томони юқорироғидаги узун горизонтал чизиқда эса орқа камералар жойлашган бўлади.

Pixel 7 Pro орқа камера жойлашуви яқинда интернетга сиздириб юборилган Apple iPhone 14 Pro рендерларидаги смартфоннинг олд томонидаги таблетка дори ва юмалоқ шаклдаги тирқиши дизайнини, худдики, чап томонга ётқизиб қўйилган ундов шаклини эслатиб юборади. Чап томонидаги узунчоқ тирқишда, кенг бурчакли ва ўта кенг бурчакли линзали модуллар ўртасида жойлашган ёрдамчи датчикларни кўриш мумкин. Ўнг тарафдаги думалоқ тешикда перископ телефото линзалари жойлашган бўлиб, у бугунги Android флагманларида жуда кам учрайди.

Янги Pixel 7 сериясидаги смартфон ўтган йили Google томонидан ишлаб чиқилган ва Pixel 6 сериясида қўлланилган Tensor чиплари ва ҳозирда компания устида ишлаётган Android 13 операцион тизими билан таҳминан шу йилнинг сентябр-октябр ойларида тақдим қилиниши кутилмоқда.

ЎҚИНГ: Уяли телефонлар 49 йиллиги!

Сайтимизнинг энг чиройли расмларини Инстаграмдаги саҳифамизда томоша қилинг!