Google қидирувига яширилган ўйинларни қандай топамиз?
Жаҳондаги энг оммабоп излаш тизими бўлган Google қидирувига бир нечта классик ўйинлар ҳам яшириб қўйилган. Улардан бирортасини топиб ўйнаш учун, қидирув майдончасига муайян сўзларни ёзиб ахтариб кўриш кифоя.
ЎҚИНГ: Google йўқ бўлса, нима бўлади?
Бунинг учун ўйин номини дунёдаги оммабоп бўлган бирор тилда, масалан – инглизча ёки русчада ёзиб излаб кўриш мумкин. Айни дамда Google қидирувига камида бешта ўйин яшириб қўйилган ва уларни қуйидаги манзиллар орқали топиб ўйнаш имкони бор:
Афсонавий «Илонча» («Змейка» – Snake Xenzia) ўйини Nokia телефонлари орқали машҳур бўлган.
- Крестики-нолики: https://www.google.ru/search?q=Крестики-нолики
Бу ўйинни Google тизимидаги сунъий интеллектга қарши ҳам, бошқа бирор компьютердаги ўртоғингиз билан ҳам ўйнашингиз мумкин. Ўзига тегишли бўлган шакл – крест ёки ноль белгисини битта қаторга биринчи бўлиб тера олган томон ютади.
Бу ўйин Windows операцион тизимининг аввалги версияларида жуда машҳур бўлган. Унда ўйин майдонини «миналардан тозалаш» керак бўлади; ҳар бир очилган катакчада эса унинг атрофидаги катакчаларда жами нечта мина қўйилгани акс этиб туради.
«Солитёр» ҳам Windows 95 ва бошқа версиялар фойдаланувчиларига яхши таниш пасьянс варианти.
Pac-Man бутун дунёда оммалашган ўйинлардан бўлиб, унда лабиринт бўйлаб турли махлуқлардан қочиб юриш керак бўлади. Бу ўйиннинг Google тақдим этган версияси оригиналининг 30 йиллик юбилейига атаб чиқарилган ва бирмунча мураккаброқ.
Google баъзи-баъзида ўз қидирувига янги ўйинлар қўшиб туради. Одаьда бу бирор сананинг ёки воқеанинг нишонланиши доирасида амалга оширилади.
ЎҚИНГ: Энг мураккаб ўйин: «Илонча» ва «Тетрис» чатишмасида кучингизни синаб кўринг!
