Google саховатини тугатяпти — хизматлардан бири энди пуллик бўлади
Google ниҳоят саховатни тўхтатди — Google Meet орқали чексиз гуруҳ қўнғироқлари энди фақат пуллик аъзоларга тақдим этилади.
ЎҚИНГ: Google ва ниҳоят Android'га iPhone'нинг энг зўр хусусиятини тақдим этади
Эслатиб ўтамиз, Google Meet видеоконференталоқа хизматидан бепул фойдаланиш азалдан чекловларсиз таклиф қилинган эди. Дастлаб Google 2020 йил 30 сентябрдан бошлаб Google Meet'нинг бепул версияси учун 60 дақиқалик видеоконференция чекловини амалга оширишни режалаштирганди. Бироқ, кузда компания бепул чексиз кириш ҳуқуқини 2021 йил 31 мартгача узайтирилишини эълон қилган. Баҳорда Google яна чекловларни амалга оширишни кечиктирди — бу гал 2021 йил 30 июнгача. Аммо чекловлар 30 июлдан кучга кирадиган бўлди. Gmail аккаунтлари фойдаланувчилари учун бепул «чексиз» сақланиб қолди.
Ҳамма нарсанинг якуни бор деганларидек, барчаси бир куни тугайди ва энди «уч ёки ундан ортиқ иштирокчилар билан қўнғироқлар» 60 дақиқа билан чекланган.
Бундай видеоконференция давом этаётганида, 55 дақиқадан сўнг унинг иштирокчилари яқинлашиб келаётган узилиш тўғрисида огоҳлантирилади. Шундан сўнг сиз қўнғироқни қайта бошлашингиз ёки пуллик режага ўтишингиз мумкин (бу фақат видео учрашувни яратувчиси томонидан талаб қилинади).
Шу билан бирга, бепул ва корпоратив ҳисоб рақамларида бирма-бир қўнғироқлар 24 соатгача давом этиши мумкин.
