Google ва YouTube ишида узилишлар бўлмоқда
Турли сайтлар, ижтимоий тармоқлар ва мессенжерлар фаолиятида узилишлар бўлиб туради. Лекин IT-гигант – Google компаниясининг қидирув тизимида ҳамда унга қарашли YouTube видеохостингида бундай муаммолар кам учрар эди.
ЎҚИНГ: Google хитойликлар учун қасос олди!
Бугун – 9 июнь куни бир қатор мамлакатларда Google ва YouTube фойдаланувчилари муаммоларга дуч келишмоқда. Оммабоп интернет-ресурслардаги узилиш ва хатоликларни кузатиб борувчи Downdetector сайти маълумотларига кўра, жиддий муаммолар Тошкент вақти билан соат 09:08 да бошланган. Энг кўп узилишлар АҚШда кузатилган.
Google фойдаланувчиларининг тахминан 67% қисми қидирув билан боғлиқ муаммолардан шикоят қилишмоқда. 32 фоизи эса ўзининг аккаунтига кира олмай хуноб бўляпти.
YouTube юзерларидан тушган шикоятларнинг 62% қисми видеони томоша қилишдаги муаммоларга тегишли. Фойдаланувчиларнинг 32% қисми сайт билан, 5% қисми эса авторизация билан боғлиқ носозликлардан нолишмоқда.
ЎҚИНГ: Энди сиз ҳам коронавирус туфайли YouTube’да пул ишлаб олишингиз мумкин!