Google'нинг янги сунъий интеллект лойиҳаси матнни мусиқага айлантириб беради

Google'нинг янги сунъий интеллект лойиҳаси матнни мусиқага айлантириб беради

Google тадқиқотчилари матнни, ҳаттоки ғўнғирлаш ёки ҳуштакни мусиқага ваё табиат овозига айлантириб берувчи сунъий идрок дастурини ишлаб чиқишди. Платформа MusicLM деб номланди. MusicLM Ҳозирча ёпиқ лойиҳа бўлса-да, компания ушбу модел ёрдамида пайдо бўлган бир қанча намуналарни юклаган.

Мисоллар ҳайратланарли. Жанр, тебраниш ва ҳаттоки оʻзига хос асбобларни овозини қўшиб берувчи, параграфгача боʻлган тавсифлардан яратилган ҳақиқий қоʻшиқларга оʻхшаш 30 сонияли парчалар, шунингдек, “мелодик техно” каби бир ёки икки соʻздан яратилган беш дақиқалик мусиқий парчалар мавжуд.

Мазкур ҳавола орқали MusicLMда генерацияланган "сунъий мусиқа"ни тинглашингиз мумкин.

Сунъий идрок мусиқани генерация қилганига ишониш жуда қийин. Лойиҳадан бехабар одам агар СИ мусиқасини тингласа, "бу одатий бастакор томонидан қилинган" деб ўйлайди.

Шунингдек, демо-сайтда моделдан виолончел ёки маракас каби чолғу асбобларидан 10 сониялик парчалар, маълум жанрдаги саккиз сониялик парчалар, "қамоқхонадан қочиш" ибораси учун мос келадиган мусиқалар яратиш сўралганда ҳам СИ мисоллар келтирди. Ҳатто бошланғич пианиночи, кучли пианиночи чаладиган мусиқаларга мисоллаб қила олди.

MusicLM ҳатто инсон вокалини тақлид қилиши мумкин. У овозларнинг оҳангини ва умумий овозини тўғри ижро қилганга ўхшаса-да, камчиликлари бор. Овоз узилиб қолиши ва сўзлар кайфиятини тўғри етказишда оқсайди. Шундай бўлса-да, MusicLM сунъий идрок саноатида катта қадам. Бошланиши учун жуда кучли юриш.

Айтганча, тепадаги ҳаволадаги мусиқа спорт залида ўйнайдиган мусиқа яратишни MusicLMдан сўраш натижасидир. Сиз қўшиқ матни бемаъни эканлигини ҳам пайқаган бўлишингиз мумкин, лекин агар эътибор бермасангиз худди кимдир ажнабий тилда қўшиқ куйлаётганини тинглаётгандек бўласиз. Инглиз тилини билган ҳолда парчани тинглаб, "листенинг" маҳоратингиздан шубҳа қилган бўлсангиз, ҳавотирланманг, мусиқий парча инглиз тилида эмас.

Google ушбу натижага қандай эришганини қуйидаги графика билан изоҳлаган:

SoundStream, w2v-BERT ва MuLanни ўз ичига олган MusicLM жараёнининг бир қисми кўрсатилган тасвир // Тадқиқотчилар Googleнинг яна бир лойиҳаси AudioLM билан биргаликда фойдаланадиган “иерархик кетма-кетликни моделлаштириш вазифасини” тушунтирувчи расм. Диаграмма муаллифи: Google

СИ томонидан яратилган мусиқа ўнлаб йиллар олдин бошланган узоқ тарихга эга: СИ эстрада қўшиқларини басталаган, 90 йилларда СИ Бахнинг ижодига ўхшаш, мусиқачиларникидан яхшироқ мусиқа қилгани ва жонли ижроларга ҳамроҳ бўлган тизимлар мавжуд. Сўнгги талқинлардан бири - матн таклифларини спектрограммаларга айлантириш учун StableDiffusion СИ тасвирини яратиш механизмидан фойдаланади, кейин эса мусиқага ўгиради. Google таъкидлашича, MusicLM ўзининг "сифати ва сарлавҳага риоя қилиши", шунингдек, аудиони қабул қилиши ва оҳангни нусхалаши туфайли бошқа тизимлардан ўзиб кетиши мумкин.

Охирги қисм, эҳтимол, тадқиқотчилар томонидан тақдим этилган энг зўр намойишлардан биридир. Сайт сизга киритилган аудиони ижро этиш имконини беради, у ерда кимдир куйни хириллайди ёки ҳуштак чалади, кейин эса модел уни қандай қилиб электрон синтезатор, торли квартет, гитара яккахони сифатида такрорлашини эшитиш имконини беради.

Ушбу турдаги сунъий интеллект бўйича бошқа ташаббуслар сингари, Google ўзининг баъзи рақобатчиларидан фарқли ҳолда MusicLM билан анча эҳтиёткор. “Бизда ҳозирча лойиҳани оммага очиш режаси йўқ. Сабаби, ижодий намуналар ўзлаштирилиши ва нотўғри талқин қилиниши эҳтимоли юқори" дейилган Google мақоласида.

Google MusicLM оммага қачон тақдим этилиши ҳақида аниқ маълумот бермаган, ҳозирча тадқиқотдан фақат мусиқий СИ тизимларини яратувчи бошқа дастурчилар фойдалана олади. Googleнинг таъкидлашича, у 5500 га яқин мусиқа-матн жуфтликлари бўлган маълумотлар тўпламини оммага эълон қилмоқда, бу эса бошқа мусиқий СИларни ўргатиш ва баҳолашда ёрдам бериши мумкин.

Муаллиф: Ҳидоятхон Атабаев

ЎҚИНГ: ChatGPTни муаллиф сифатида кўрсатиб бўлмайди

Сайт янгиликларидан доимий хабардор бўлиш учун Телеграм каналимизга қўшилинг!