GTA 6'нинг тўлиқ ўйин жараёни видеолари тарқатиб юборилди

GTA 6'нинг тўлиқ ўйин жараёни видеолари тарқатиб юборилди

Rockstar'нинг Grand Theft Auto ўйин франшизасининг навбатдаги қисми, GTA VI ўйинининг видеолари интернетда тарқатиб юборилди. GTA форумига teapotuberhacker томонидан жойланган 3 ГБ ҳажмдаги файл 90 дан ортиқ видеоларни ўз ичига олади. Маълумотлар қандай олингани ва тарқатилгани номаълум, лекин тез орада янада кўпроқ видеолар чиқарилиши айтилган.

Ўйин видеолари яқинда миш-миш қилинган хабарларни тасдиқлайди: ўйин бош қаҳрамони Lucia исмли аёл ва яна бир эркак бўлади. Видеоларнинг бирида у ресторанга ўғирликка тушгани ва одамларни гаровга олгани акс этган. Яна бир клипда эса 2002 йилда чиқарилган GTA: Vice City ўйинидаги Маями ҳудудларини кўриш мумкин. 

Кадрлар аллақачон YouTube ва бошқа платформаларга жойланган, лекин Rockstar бош компанияси, Take 2 Interactive аллақачон уларнинг бир нечтасини муаллифлик ҳуқуқларини талаб қилган ҳолда олдириб ташлашга улгурган. 

Видеолардан кўриш мумкинки, ўйин ҳали якунига етмаган. GTA 6 таҳминан 2014 йилдан билан  ишлаб чиқариш жараёнида бўлиб, у 2025 йилда чиқарилиши кутилмоқда. Айтиш керакки, GTA 6 дан аввалги, GTA 5, деярли 9 йил аввал чиқарилган эди. 

ЎҚИНГ: Янгича совутиш тизимига эга бўлган ўйинбоп смартфон тақдим этилди

Сайтимизнинг энг чиройли расмларини Инстаграмдаги саҳифамизда томоша қилинг!