Honor компанияси иккита янги смартфонни тақдим этди
Honor компанияси Хитой бозори учун Snapdragon 888 чипига эга X40 GT ҳамда Snapdragon 480+ чипли Play 6C моделларини тақдим этди.
Honor X40 GT
Ушбу модель FHD+ резолюциядаги 6.81 дюймли LCD дисплейи билан жиҳозланган бўлиб, у 144 гертс янгиланиш ҳамда 480 гертс сенсорли намуна олиш частоталарини қўллаб-қувватлайди. Қурилма саккиз қопламали графит совутиш тизимига эга. Бу смартфон юзасини бир гардусгача совутиб беришни таминлайди.
Гаджет бироз эски, аммо юқори унумдорликни тақдим этувчи Snapdragon 888 чипи билан жиҳозланган. Чип 8/12ГБ тезкор ҳамда 256ГБ доимий хотира билан бирлашган.
Орқа панелдан 50МП асосий, 2МП макро ҳамда 2МП сатҳ камералари ўрин олган. Олд панелда эса 16МП селфи камера жойлашган. Honor X40 GT модели 66 ваттда қувват олувчи 4,800 мАс сиғимли аккумулятор билан жиҳозланган. У Android 12 операцион тизимига асосланган Magic UI 6.1 график қобиғида ишлайди.
Смартфон қора ва оқ рангларда тақдим этилди. Шунингдек, унинг пойга элементларига эга бўлган қора ранги ҳам бор.
Смартфоннинг нархи қуйидагича:
8/256ГБ - 290 доллар
11/256ГБ - 332 доллар.
Хитойда қурилма 18 октябрь санасида сотувга чиқади.
Honor Play 6C
Honor Play 6C компаниянинг энг сўнгги бюджет синфидаги смартфони ҳисобланади. У HD+ резолюциядаги 6.5 дюймли дисплей билан жиҳозланган бўлиб, 90 гертс частотада ишлайди. Дисплей юқори қисмидан 5МП селфи камера ўрин олган.
Смартфон 6/8ГБ тезкор ҳамда 128ГБ доимий хотира билан интеграллашган Snapdragon 480+ чипига эга. Хотирани microSD картаси билан кенгайтириш мумкин.
Орқа панелга 13МП асосий ҳамда 2МП сатҳ камера ўрнатилган. Android 12 операцион тизимига асосланган Magic UI 5 гарфик қобиғида ишлобчи ушбу қурилма 22.5 ваттда қувват олувчи 5,000 мАс сиғимли аккумулятор билан жиҳозланган.
Бармоқ изи сканери ён томондаги қувват тугмасидан ўрин олган. Қурилма 3.5 мм аудио жек портига эга. Смартфон қора, оқ ва кўк рангларда тақдим этилди. Унинг нархи қуйидагича:
6/128ГБ - 153 доллар
8/128ГБ - 180 доллар
Ҳозирча икки моделнинг халқаро бозорга сотувга чиқиши ҳақида ҳеч қандай маълумот йўқ.
ЎҚИНГ: Бета синовлари тамом, Samsung расмий One UI 5 тизимини тез орада жўнатишни бошлайди
