Huawei таслим бўлмайди! Компания расмий тақдимот ўтказиб, энг зўр флагманларини намойиш этди!
Huawei компанияси АҚШ санкцияларидан кейинги қийин вазиятга қарамасдан, ўзининг янги халқона флагмани Honor 20 ва унинг кучайтирилган талқини Honor 20 Pro'ни намойиш этди. Ўткан йилдагидек, Huawei ушбу қурилмаларни ўзининг “ҳақиқий” флагманлари P30 ва P30 Pro'нинг хусусиятларидан кўчириб олган ҳолда, кучли платформани қолдириб, айрим имкониятларини чеклаган ҳолда яратган.
ЎҚИНГ: Huawei’нинг қўрқадиган жойи йўқ: Android ўрнига ўзининг Hongmeng операцион тизими бор!
Honor 20 ва Honor 20 Pro смартфонларининг P30 ва P30 Pro моделларидан асосий фарқи камера бўлган. Honor 20'да бира тўла тўртта камера бирлаштирилган. Асосий камера сифатида 48 мегапикселлик (f/1,4) Sony IMX586 сенсори ўрнатилган. Бундан ташқари 16 мегапикселли кенгбурчакли, 2 мегапикселли чуқурлилик датчиги ва 2 мегапикселли макро суратга олиш вазифасини бажарувчи модуллар ишлатилган.
Honor 20 Pro'да камералар бир мунча фарқ қилади. Асосий, макро ва кенгбурчакли модуллар ўзгармаган, тўртинчи модул эса бироз бошқачароқ: унга 3-карралик оптик зумли 8 мегапикселлик датчик ўрнатилган. Шунингдек, Pro-версиянинг телефото ва асосий камераси оптик барқарорлаштириш функциясига эга бўлган. Ва ниҳоят, автофокус яхшиланган.
Иккала смартфон ҳам 2,6 ГГц гача частотали 8 ядерли Kirin 980 флагман платформасига қурилган. Кичик Honor 20 – 6 Гбайт оператив ва 128 Гбайт доимий хотирага эга, Honor 20 Pro моделида эса бу кўрсаткич мос равишда 8 ва 256 Гбайтни ташкил қилади. Хотира картаси учун жой иккала моделда ҳам мавжуд. Шунингдек, селфи-камералар турлича: кичигида 24 Мп, каттасида эса 32 Мп.
Смартфонлар 6,26 дюмли, 2340х1080 пиксел аниқликдаги суюқ кристалли экранга эга бўлган. Чап бурчакдан селфи-камера учун “дарча” очилган. Экранни анча юпқа ромлар ўраб олган. Айни дамда IPS-дисплейга дактилоскоп ўрнатиш йўлга қуйилмаганлиги туфайли, бармоқ изи сканери ён томондан жой олган ва ёқиш тугмачаси билан интеграциялаштирилган.
Эслатиб ўтамиз, янги смартфонлар компаниянинг АҚШ билан муносабатлари оғирлашган бир вақтда тақдим этилди. Ўтган ҳафта АҚШ савдо вазирлиги хитойлик техногигантни “қора рўйхат” га киритди, шу аснода америкага тегишли компанияларга Huawei билан ҳамкорлик қилишни таъқиқлади. Ушбу компаниялар қаторида Google ҳам Huawei билан алоқаларини узди. Ҳозирча барчаси мавҳум бўлиб қолмоқда. Honor 20 серияси расман тақдим этилган бўлса ҳам, қачон ва қандай ҳолатда сотувга чиқарилиши номаълум бўлиб қолмоқда.
Huawei ёки бошқа ишлаб чиқарувчининг смартфонини ишлатаётганингиздан қатъи назар, биз сизга омадингизни синаб кўришни таклиф қиламиз! Айни дамда 2 июнга қадар сизда Xiaomi компаниясининг ажойиб фитнес-браслети – Mi Band 3 ютиб олиш имконияти мавжуд.
Бунинг учун YouTube-каналимизга аъзо бўлиб, ушбу видео остига изоҳ ёзиб, «Ёқди» тугмачасига боссангиз кифоя. Ғолиб эса сайтимизнинг Facebook-саҳифаси орқали жонли эфирда аниқланади ва ушбу омадли инсонга совға ўзи яшаб турган вилоят марказигача бепул етказиб берилади!
Бу ҳақдаги батафсил маълумотни эса мана бу хабаримиздан ўқиб олишингиз мумкин.
ЎҚИНГ: АҚШ Huawei’га вақтинчалик енгиллик берди, Huawei асосчиси компания қудрати ҳақида маълум қилди
