Ижтимоий тармоқларда эҳтиёт бўлинг: 89 млн сўмгача жарима тўлашингиз мумкин!

  •   DiMaX
  •  2328
  •  15.12.2020 17:08

Ижтимоий тармоқларда эҳтиёт бўлинг: 89 млн сўмгача жарима тўлашингиз мумкин!

14 декабрь куни Олий Мажлис Қонунчилик палатасида бўлиб ўтган Халқ демократик партияси фракциясининг йиғилишида депутатлар Жиноят, Жиноят-процессуал кодекслари ҳамда Маъмурий жавобгарлик тўғрисидаги кодексга ўзгартиш ва қўшимчалар киритиш борасидаги қонун лойиҳасини муҳокама қилди. Бу ҳақда парламент матбуот хизмати хабар берди.

ЎҚИНГ: Коронавирус туфайли Ўзбекистонда умуман кутилмаган ижтимоий тармоқ 1-ўринга чиқди! (+инфографик видео)

Қонун лойиҳаси билан Маъмурий жавобгарлик тўғрисидаги кодексга зўравонликни ёки шафқатсизликни тарғиб қилувчи ахборотни оммавий ахборот воситалари, телекоммуникация ёки интернет тармоқларига жойлаштирганлик учун ҳам жавобгарликни белгилаш кўзда тутилмоқда. Бу каби видеоларни жойлаштирганлар 89 миллион сўмгача жаримага тортилиши мумкин.

Маъмурий жавобгарлик тўғрисидаги кодекснинг амалдаги талабига кўра, зўравонликни ёки шафқатсизликни тарғиб қилувчи маҳсулотни тайёрлаш, тарқатиш, реклама қилиш ва намойиш этиш ҳаракатлари учун базавий ҳисоблаш миқдорининг 50 бараваридан 100 бараваригача, мансабдор шахсларга эса 100 бараваридан 150 бараваригача миқдорда жарима солишга сабаб бўлиши белгиланган.

Янги қонун лойиҳасига кўра, бундай ҳаракатлар учун жарима миқдорини ошириш, фуқароларга базавий ҳисоблаш миқдорининг 50 бараваридан 400 бараваригача, мансабдор шахсларга эса 100 бараваридан 450 бараваригача миқдорда жарима солиш ҳақидаги меъёрни киритиш таклиф этилмоқда.

ЎҚИНГ: Ниҳоят, бу илова TikTok’ни енгиб ўтиб, дунёда биринчи ўринга чиқди!

Сайтимизнинг энг чиройли расмларини Инстаграмдаги саҳифамизда томоша қилинг!