Илон Маск энди ўз ижтимоий тармоғига эга

Илон Маск энди ўз ижтимоий тармоғига эга

Кеча, 25 апрел куни Twitter директорлар кенгаши компанияни $44 миллиардга Илон Маскка сотишга рози бўлишди. Tesla ва SpaceX компаниялари раҳбари ижтимоий тармоқни ўзи таклиф қилган нархда: компания ҳар бир аксиясини 54.20 доллардан сотиб олади. Эндиликда шартномага кўра, Тwitter компанияси хусусийлаштирилади ва биржада компания аксиялари савдоси тўхтатилади. 

"Сўз эркинлиги амалдаги демократиянинг пойдевори, Twitter эса инсоният келажаги учун муҳим масалалар муҳокама қилинадиган рақамли шаҳар майдонидир. Шунингдек, мен Twitter'ни янги хусусиятлар, ишончни ошириш учун алгоритмларни очиқ манба қилиш, спам-ботларни йўқ қилиш, барча одамларни аутентификация қилиш билан ҳар қачонгидан ҳам яхшироқ қилишни хоҳлайман. Twitter улкан салоҳиятга эга – мен уни очиш учун компания ва фойдаланувчилар ҳамжамияти билан ҳамкорлик қилишни орзиқиб кутаман”. дейди Илон Маск компанияни сотиб олар экан. Шу билан бирга у ўзининг Twitter саҳифасида энг ашаддий танқидчиларини ҳам ижтимой тармоқда қолишини, чунки сўз эркинлиги мана шу эканлигини айтган.

"Twitter кенгаши Илоннинг таклифини фикр билан ва кенг қамровли баҳолаш жараёнини ўтказди, бунда қиймат, аниқлик ва молиялаштиришга эътибор қаратди. Таклиф этилаётган келишув катта миқдорда пул мукофоти олиб келади ва биз бу Twitter аксиядорлари учун энг яхши йўл деб ҳисоблаймиз." дейди Twitter'нинг мустақил бошқарув раиси Брет Тайлор.

"Шартнома ёпилгач, платформа қайси йўналишда кетишини билмаймиз", деган эди Twitter'нинг бугунги кундаги бош директори Параг Агравал душанба куни ходимларга.

Fox News нашри берган хабарларга кўра, гарчи Американинг собиқ президенти Доналд Трамп Twitter'да блокдан очилса ҳам, унга қайтмаслигини ва ўзининг Truth ижтимоий тармоғидан фойдаланишини маълум қилган.

Илон Маск ўтган ойнинг 14 март куни Twitter'нинг салкам 10 фоизлик аксияларини сотиб олган ва бу 4 апрелга келиб маълум бўлган эди. Ўзининг ҳазиллари ва бизнес янгиликларини улашиб борадиган 80 миллиондан ортиқ обуначига эга саҳифасида миллиардер ижтимоий тармоқ учун бир нечта ўзгаришларни ҳам таклиф ҳам қилган. 14 апрел куни Маск ижтимоий тармоқни тўлалигича сотиб олмоқчилиги маълум бўлган эди.

ЎҚИНГ: Эски иловалар App Store'дан ҳам олиб ташланади!

Сайтимизнинг энг чиройли расмларини Инстаграмдаги саҳифамизда томоша қилинг!