Интернет оламига янгича "креативлик" кириб келмоқда

Интернет оламига янгича

Opera браузери Yat номли эможиларга асосланган доменларни сотадиган компания билан ҳамкорлик қилишни бошлаганлигини маълум қилди. Энди браузер билан қидирув майдонига фақат эможиларни киритиб, унга бириктирилган веб-манзилларга киришингиз мумкин бўлади.

Компания буни интернет оламига креативликнинг янги даражасини олиб киришини айтиб, ўзини эможи веб-манзилларга кириш имконини берадиган илк браузер дея атади. 

Бугунги кунда барча замонавий веб-браузерлар веб-манзилларда эможиларни қўллаб-қувватлайди, аммо, улар анъанавий доменларни талаб қилади. Масалан, мана бундай: y.at/😄👍. Опера браузерининг сўнгги версиясида эса сиз "y.at/"ни тушириб қолдириб фақат "😄👍"дан фойдаланишингиз мумкин бўлади. 

"Интернет оммага тақдим этилганига қарийб 30 йил бўлди ва веб-ҳаволалар соҳасида кўп инновациялар бўлмади: одамлар ҳали ҳам ўзларининг URL манзилларига .com ни киритадилар.

Yat билан интеграциялашув орқали Opera фойдаланувчилари ўз ҳаволаларида .cоm ёки ҳатто сўзлардан воз кечишлари ва веб-сайтларга йўналтириш учун фақат эможилардан фойдаланишлари мумкин. Бу янги, осонроқ ва қизиқарлироқ." дейди Opera уяли алоқа бўйича ижрочи вице-президенти Хорген Арнесен. 

Эможи-домен хусусияти Windows, Маc, Android ва iOS учун Opera браузерининг сўнгги версиясида ишлайди. 

ЎҚИНГ: Энди Instagram Stories'ларига ҳам лайк босиш мумкин

Terabayt.uz сайтининг видеолари: Youtube'даги каналимизда!