iPhone 11'нинг Galaxy Note 10'дан устун икки жиҳати

iPhone 11'нинг Galaxy Note 10'дан устун икки жиҳати

Samsung ўз қурилмаларига рақиблар смартфонларида йўқ жиҳатларни қўшишни яхши кўради. Крипто ҳамён керакми? Samsung сизга ёрдамга шай. Смартфонда аудио жек бўлиши муҳимми? Samsung Galaxy сотиб олинг. Яхшими, ёмонми, ҳар доим доим корейсларнинг қурилмаларида ҳаммага маъқул келувчи жиҳатлар бўлишига ишонсангиз бўлади. Бироқ Galaxy Note 10'га келиб ўта кескин ўзгаришлар қилинди.

Флагманга қўшимча хотира картасини ўрнатиб бўлмайди (компания бунга аккумулятор сиғими каттароқ бўлиши учун шундай қилинганини изоҳ қилиб кўрсатган). Note 9'да бўлган аудио жек ҳам йўқ. Бу ўзгариш Samsung'дагилар коннектор ва портлар борасида Apple'нинг йўлини тутишни бошлаганини кўрсатмоқда. Нархи борасида ҳам Note 10 ва XS'лар бир-бирига ўхшаш. Бу икки смартфоннинг фарқли томонлари камроқ бўлгани учун улардан қай бирини танлаш ҳам қийин масала.

Samsung'дагиларнинг фойдаланувчилар афзал билган жиҳатларга "алвидо дейиши" ўзини қанчалик оқлашини фақат вақт кўрсатади. Лекин бу ўзгаришлар Apple'нинг iPhone 11'ига қанчалик таъсир қила олади? Купертинодагилар кейинги ой тақдим қиладиган маҳсулот Galaxy Note 10'дан қанчалик фарқ қилади? Ёки икки компания телефонлари ўртасидаги ўхшашлик яна давом этадими?

Офлайн, ишончли ва такомиллаштирилган Siri

Сунъий онгли ёрдамчи самарадорлигини ўлчашнинг аниқ мезонлари мавжуд эмас. Лекин кўпчилик мутахассислар ва фойдаланувчилар бир хил: Google Assistant ҳар доим бошқалардан кўра яхшироқ ёрдамчи эканлиги ҳақидаги фикрда бўлса керак.

Siri яқин келажакда Google'нинг Assistant'идан ўтиб кетиши эҳтимоли мавжуд эмас — бу борада Google Apple устидан жуда катта афзалликка эга. Лекин Siri Samsung'нинг унчалик ҳам муваффақиятли чиқмаган Bixby'сини ер тишлата олади. Ёрдамчисини такомиллаштириш учун Apple'дагилар радикал ўзгариш қилиши шарт эмас. Бир-иккита "пардозлаш ишлари" билан мижзонинг Siri билан амалиётида катта ўзгариш қилиш ҳамда iPhone фойдаланувчиларига рақибларда бўлмаган имкониятларни яратиб бериш мумкин.
 
Масалан, Siri'ни ишга тушириш учун "hey Siri" дейиш ўрнига ўзинингга маъқул сўзни созлаб, ёрдамчини ишга туширишингиз мумкин. Бу эса уйингизда Siri'га эга бир нечта қурилма бўлган ҳолда чалкашликларни олдини олишда қўл келади. Худди шундай, офлайн режимнинг мавжудлиги интернет алоқаси яхши бўлмаган ёки умуман мавжуд бўлмаган тақдирда ҳам кўпроқ буйруқларни амалга ошира олиш имконини яратади. Офлайн функцияналлик мавжудлигининг афзаллик томонларидан яна бири қурилмадан нисбатан хавфсиз ва махфий ҳолда фойдалана олишнинг имкони мавжудлигидир. Apple, Google, Amazon ва Microsoft'лар овозли ёрдамчилардан олинган аудиоларни инсон шартномачиларга эшиттиргани ҳақидаги яқиндаги хабарлардан яхши бохабар бўлсангиз керак, албатта.

eSIM'га ўтиш

Маълум бир ҳудуддагина ишловчи иккита SIM карта учун мўлжалланган уяга эга қурилмалар ишлаб чиқарувчиларидан фарқли ўлароқ, Apple ва Google айни дамда Ғарб бозорларида eSIM (электрон SIM карта) амалиётига ўтаётган бармоқ билан саноқли гигант компаниялардандир.

Бунинг яхши томони нимада? Олдимизда, хизматлари нархига қараб, бир оператордан бошқасига осонгина ўтиш имкони мавжуд бўлган, кўпчиликка ёқиб тушадувчи истиқбол турибди (балким, бунгача ҳали анча вақт бордир). Бундай имконият саёҳат қилаётганингизга, айниқса, қўл келади, чунки бу оперторлар ўртасида рақобатни кучайтириб, нархларнинг арзонлашувига сабаб бўлади. Бунга қўшимча, моддий SIM картани қурилмангиздан чиқариб, янгисини солиш каби кераксиз жараён, ундан ҳам, рақамингизни алмаштириш билан юзага келадиган бошоғриқлар ҳам бўлмайди.

Бундай янгиликнинг амалга ошиши учун ушбу технологияни бирор бир компания ривожлантиришни ҳамда (бунга қарши баъзи) операторларга ҳам туртки берилиши талаб қилинади. Apple Pay, Apple TV ва янги Apple Card технологиялари мисолида Apple, янги бир технологияни ривожлантириш учун бир неча компанияни бир ёқадан бош чиқаришга чақира олиши ёки улар билан янги платрформалар борасида ҳамкорлик қила олишини кўрсатиб берди. Бундан чиқди, революцион eSIM концепцияси борасида ҳам Apple худди шундай ташаббусни амалга ошира олади.

ЎҚИНГ: Apple ўзининг шахсий фильм ва сериалларига 6 млрд доллардан ортиқ пул сарфлади

Хабарларни тез ва осон ўқиш учун Андроид иловамизни сақлаб олинг.