iPhone 12 тақдимоти барибир кечикади – ишончли инсайдер аниқ саналарини айтди
Таниқли тармоқ информатори Жон Проссер (Jon Prosser) янги айфонларнинг сентябрда эмас, балки октябрда намойиш қилинишини айтганди. Кейин эса буни купертинолик корпорациянинг ўзи ҳам расман тасдиқлаган эди.
ЎҚИНГ: iPhone 12: «жонли» суратлар Apple фанатларининг ҳафсаласини пир қилди!
Энди айни шу инсайдернинг ёзишича, компания 7 сентябрь куни Apple Watch ҳамда iPad’ларнинг янги моделларини чиқаради. Улар учун алоҳида тақдимот маросими ташкил этилмасдан, шу санада гаджетлар бирданига Apple интернет-магазинида пайдо бўлади.
iPhone 12 туркумини эса корпорация октябрда, айфонларнинг модел рақамига мос тарзда ойнинг 12-санасида намойиш қилади. Онлайн конференцияда барча янги айфонлар бирга тақдим этилса-да, уларнинг сотувга чиқиш саналари турличадир, дейди Проссер.
New, adjusted Apple dates!
— Jon Prosser (@jon_prosser) August 12, 2020
Apple Watch & iPad
- Via press release
- Week 37 w/c Sep 7
iPhone 12 event
- Week 42 w/c Oct 12
iPhone 12 devices
- Preorders week 42 w/c Oct 12
- Shipping week 43 w/c Oct 19
iPhone 12 Pro devices
- Preorder and shipping in Nov (no exact date yet)
Нисбатан арзон, экрани 5,4 дюймлик iPhone 12 ҳамда 6,1 дюймлик iPhone 12 Max бозорга 19 октябрда тақдим этилади. Нисбатан қиммат бўлган 6,1 дюймлик iPhone 12 Pro ва 6,7 дюймлик iPhone 12 Pro Max эса ноябрдагина сотила бошлайди ва аниқ санаси ҳозирча маълум эмас.
ЎҚИНГ: Барча версиялардаги iPhone 12’ларнинг нархлари билан биттада танишамиз!