iPhone 14 ҳамда iPhone 14 Pro моделлари турли хил чипларга эга бўлиши айтилмоқда

iPhone 14 ҳамда iPhone 14 Pro моделлари турли хил чипларга эга бўлиши айтилмоқда

Apple компанияси iPhone 14 сериясига турли хил чиплар ўрнатиш орқали ўзинг янги смартфонларини энг сўнгги чип билан жиҳозлаш анъанасига чек қўймоқчи. 

Таниқли таҳлилчи Минг-Чи Куо берган маълумотларга кўра, iPhone 14 Pro ва 14 Pro Max моделлари янги A16 Bionic чипи, iPhone 14 ва 14 Max эса ҳозирги барча iPhone 13 моделлари каби A15 Bionic чипи билан жиҳозланади. 

Яна бир фарқ уларнинг тезкор хотирасида бўлади. Яъни тўртала қурилма ҳам 6ГБ тезкор хотира билан жиҳозланган бўлса-да, Pro моделлар LPDDR5, оддий моделлар LPDDR4X хотирасига эга бўлади. 

Apple, шунингдек, дисплей ўлчамларини иккига ажратмоқчи. Аниқроқ қилиб айтганда, iPhone 14 ва 14 Pro моделлари 6.1 дюймли, iPhone 14 Max ва 14 Pro Max моделлари эса 6.7 дюймли дисплей билан жиҳозланади. Янги серияда iPhone mini модели бўлмайди. Шунинг учун иккинчи авлод iPhone 13 mini ўз линясининг сўнгги вакили бўлиб қолади. 

Куо Apple нега фақат Pro моделларга A16 Bionic чипи ўрнатилиши ҳақида ҳеч қандай маълумот бермади. Катта эҳтимол билан бунга бугунги кундаги чипларнинг тақсилиги сабаб бўлгандир. 

Албатта, ҳозирги A15 Bionic бемалол бошқа чиплар билан рақобатлаша олади. Шунингдек учун янги iPhone моделларида унумдорлик билан ҳеч қандай муаммо кузатилмаса керак. 

ЎҚИНГ: Ортга назар: iPhone 6 - Apple ҳалигача фойдаланадиган дизайндаги смартфон 

Сайт янгиликларидан доимий хабардор бўлиш учун Телеграм каналимизга қўшилинг!