iPhone 14 Pro iPhone 13 Pro'га қарши
Узоқ кутилган iPhone 14 Pro сентябр бошида тақдим қилинди ва у ҳозирда аллақачон сотувга чиқарилган. Apple'нинг ушбу янги смартфони ўзининг аввалгисидан дизайн ва техник хусусиятларда фарқ қилади. Қандай ўзгаришлар мавжудлиги билан эса қуйидаги танишишингиз мумкин:
iPhone 14 Pro | iPhone 13 Pro | |
Ўлчамлари |
Бўйига: 147.5 мм |
Бўйига: 146.7 мм |
Оғирлиги |
206 грамм |
204 грамм |
Экран |
6.1 дюйм Always-On Display хусусиятига эга |
6.1 дюйм |
Сув, чангга чидамлилиги | IP68 (максимум 6 метр чуқурликда 30 минутгача) | IP68 (максимум 6 метр чуқурликда 30 минутгача) |
Орқа камера |
Асосийси: 48МП (ƒ/1,8) TOF 3D LiDAR сканери |
Асосийси: 12МП (ƒ/1,5) TOF 3D LiDAR сканери |
Олд камера | 12МП - ƒ/1,9 диафрагма | 12МП - ƒ/2,2 диафрагма |
Чип | А16 Bionic | А15 Bionic |
Оператив хотира | 6ГБ | 6ГБ |
Доимий хотира | 128/256/512ГБ, 1ТБ | 128/256/512ГБ, 1ТБ |
Батарея |
3200 мА/с |
3095 мА/с |
Зарядланиш |
30 дақиқада 50% Симсиз: |
30 дақиқада 50% Симсиз: |
Дастурий таъминот |
iOS 16 |
iOS 15 (iOS 16'га ўта олади) |
Алоқа, тармоқ, уланиш |
5G |
5G Wi-Fi 6 Bluetooth 5.0 |
Уланиш порти |
Lightning |
Lightning |
SIM-карта |
Нано SIM-карта* ёки eSIM |
Нано SIM-карта ёки eSIM |
Қўшимча хусусиятлар |
Face ID Аварияни аниқлаш |
Face ID NFC |
Мавжуд эмас | *SIM-карта уяси (фақат Америка Қўшма Штатларида ишлаб чиқарилган моделларда) microSD карта уяси 3.5 мм симли наушник уяси |
microSD карта уяси 3.5 мм симли наушник уяси |
iPhone 14 Pro олд экранида муҳим дизайн ўзгаришига эга: смартфон селфи камера ва Face ID сенсорлари учун таблетка дори шаклидаги тирқиш билан чиқарилган бўлиб, бу сафар у шунчаки тирқиш эмас - у "динамик орол" деб номланади ва у фойдаланилаётган иловалар ҳақида қўшимча маълумотлар беради. iPhone 13 Pro'нинг "челка"си эса ҳеч қандай хусусиятларга эга эмас. Ҳозирча 1-0.
Дисплей борасида ҳам айрим ўзгаришлар мавжуд. Гарчи смартфонлар бир хил ўлчамдаги Super Retina XDR (OLED) экранга эга бўлсалар ҳам, уларнинг ёруғлиги фарқи бор. iPhone 14 Pro экрани максимум 2000 нитс гача ёрқинликка чиқа олади. iPhone 13 Pro эса 1,200 нитс гача. Шунингдек, iPhone 14 Pro узоқ кутилган Always-On Display хусусиятига ҳам. 2-0.
Камераларга келадиган бўлсак, iPhone 14 Pro (48МП) мегапикселларда iPhone 13 Pro (12МП)дан 4 карра кучлироқ. Гарчи мегапикселлар сони тасвир сифатига келганда унчалик аҳамиятга эга бўлмаса ҳам, янги Про смартфон аввалгисидан яхшироқ суратга олади. 3-0
Янги смартфон, янги чип билан. iPhone 14 Pro модели Apple'нинг 4 нанометрли А16 Bionic чипига эга. iPhone 13 Pro эса ўз даврида 5 нанометрли А15 Bionic чипи билан чиқарилган эди. 4-0.
Батарея бўйича ҳам iPhone 14 Pro ўзининг аввалгисини сўзсиз енга олади. Қурилма 3200 мА/с батарея жиҳозланган. iPhone 13 Pro эса 3,095 мА/с батарея сиғимига эга. 5-0.
Алоҳида таъкидлаш жоизки, iPhone 14 Pro смартфонлари iPhone 13 Pro'ларда мавжуд бўлмаган хусусият, фавқулодда ҳолатларда сунъий йўлдошга уланиш ва авария ҳолатларини аниқлай олиш хусусиятига ҳам эга. 6-0?
Агар iPhone 13 Pro'нинг янги чиққан iPhone 14 Pro'дан устун жиҳати бўлса, бу унинг бироз бўлсада ихчамлиги, ингичкалиги ва ҳозирда сотиб олиш учун арзонроқлиги бўлиши мумкин. Ҳа, майли. 6-1.
Хулоса ўрнида шуни айтиш мумкинки, агар янгича хусусиятларга эга Pro моделдаги iPhone смартфони сотиб олмоқчи бўлсангиз, iPhone 14 Pro сизга ёқиши аниқ. Агар арзонроқ нархдаги Pro iPhone керак бўлса iPhone 13 Pro сиз учун яхши танлов бўла олади.