iPhone 14 Pro Max энг яхши дисплейга эга смартфон деб топилди
DxOMark экспертлари iPhone 14 Pro Мах дисплейини турли хил ҳолатларда синаб кўришди ва Apple'нинг янги флагмани уларни ҳайратда қолдирди. Смартфон турли хил параметрларда ўзининг аввалгисидан ўтиб кетиб, дунёдаги барча смартфонлар ичида энг яхши дисплейга эга деб топилди.
Маълум бўлишича, қурилма 6.7 дюймли OLED экранининг 2000 нитс ёруғлиги қуёш нурида ҳам яхши кўринишни таъминлайди. Қолаверса, смартфон матрицаси ҳам яхши ранг бир хиллиги билан таъминлайди. Кам ёруғликда дисплей таркиби бироз тўқ сариқ рангга эга бўлса, бино ичида ранг схемаси нейтралроқ бўлади. Гарчи SDR видео контентини бошқаришда сезиларли яхшиланишлар бўлмасада, янги флагман HDR10 контентни юқори контрастли рендерлаши билан мақтана олади.
Шу ва бошқа натижалар билан iPhone 14 Pro Мах энг юқори натижа: 149 балл олган ва экран бўйича DxOMark рейтинггида энг юқори ўринни эгаллаган. Таъкидлаш жоизки, рейтингнинг кейинги ўринларини ҳам Apple смартфонлари томонидан банд қилинган.
