iPhone 14 Pro Max жонли суратларда қўлга тушди!
Unbox Therapy номли YouTube канали муаллифи ўзининг янги видеосида миш-мишларга асосланиб йиғилган янги авлод iPhone смартфонининг макетини кўрсатди. Блоггернинг айтишича, бу яқинлашиб келаётган смартфоннинг ўта аниқ нусхаси бўлиб, у Хитойдан келтирилган.
iPhone 14 Pro Max эканлиги айтилаётган макет, ўзининг олдингиси, iPhone 13 Pro Max билан солиштирилганида орқа томондан деярли бир хил кўринишда эканлигини кўриш мумкин, фақатгина, янги смартфон бироз катталашган учлик камерага эга.
Иккала смартфон ташқи ўлчамлари ҳам бир қарашда фарқ қилмайди. Бироқ янги авлод айфони бироз қалинроқ.
14 Pro Max'даги ягона сезиларли ўзгаришлардан бири унинг олд тарафи дизайни бўлиб, у аввалги iPhone'лардагидек катта тирқишга эга эмас, балки, янгича таблетка дори ва тешик шаклидаги Face ID ва камера сенсорлари жойлашувига эга.
iPhone 14 қаторидаги смартфонлар келаётган сентабр ойида тақдим қилиниши кутилмоқда ва бунда iPhone 14 Pro Max модели $1.200 нархда бўлиши мумкин.
ЎҚИНГ: Galaxy Z Flip 4 сифатли рендерларда кўрсатилди
