iPhone 14 Pro сотиб олиш учун неча кун ишлаш керак?

iPhone 14 Pro сотиб олиш учун неча кун ишлаш керак?

Ўтган ҳафта Apple компанияси ўзининг янги авлод iPhone смартфонларини тақдим қилди. Ўтган йилгидан фарқли ўлароқ бу йилги iPhone 14 сериясида Mini модел мавжуд эмас. Унинг ўрнига каттароқ ўлчамдаги Plus модели қўшилган бўлиб, у олиб ташланган кичик моделга қараганда 200 долларга қимматроқ.

iPhone 14 серияси оширилмаган, оддий моделлар (128 ГБ) учун $799/899, Pro моделлар (128 ГБ) учун эса $999/1099 нархда чиқарилган. Бироқ, ушбу нархлар Ўзбекистонда энг камида 100 долларга кўтарилган ҳолда келади. Масалан, норасмий Apple ритейлерларидан iPhone 14 Pro смартфонини $1099 нархда топишингиз мумкин.

Хўш, агар Ўзбекистонда iPhone 14 Pro сотиб олмоқчи бўлсангиз, унинг учун неча кун ишлашингиз керак?

Статистика қўмитасининг 2022 йил январ-март ойига кўра берилган маълумотларга қараганда, Ўзбекистонда ўртача ойлик иш ҳақи 3,426,800 сўмни ташкил қилади. Марказий банкка кўра эса бугунги кунда 1 доллар 10950.29 сўмга тенг ва бунда бизнинг ўртача иш ҳақимиз ойига ~313 доллар бўлади. iPhone 14 Pro нархини $1099 деб оладиган бўлсак, уни сотиб олиш учун 3.5 ой ёхуд 105 кун атрофида емай-ичмай-киймай ишлашингиз керак бўлар экан. 

Келинг, энди бошқа давлатларда iPhone 14 Pro сотиб олиш учун неча кун керак ишлаш кераклигини билан танишамиз:

Picodi.com томонидан тақдим қилинаётган ушбу инфографик маълумотга кўра, iPhone 14 Pro смартфонини энг тез швейцарияликлар сотиб олишлари мумкин экан. Бунинг учун уларга атиги 4.6 кун керак бўлади. iPhone ватанида яшайдиганлар уни сотиб олиш учун 5.7 кун ишлашлари керак. 

iPhone 14 Pro сотиб олиш учун энг кўп ишлашлари керак мамлакат фуқаролари туркияликлар бўлиб, уларга деярли 147 кун иш куни керак бўлади. Ундан кейинги ўринда эса Филиппин давлати бўлиб, у ерда янги Pro iPhone сотиб олиш учун 90.9 кун ишлаш керак. Ўзбекистон эса шу икки давлат ўртасига жойлашади.

ЎҚИНГ: Apple'нинг маркетинг режаси иш бермоқдами?

Сайтимизнинг энг чиройли расмларини Инстаграмдаги саҳифамизда томоша қилинг!