iPhone 15 Pro Мах экран рамкаси ингичкалиги бўйича янги рекорд ўрнатади!
Смартфон ишлаб чиқарувчилари ўртасидаги "пойга"ларнинг яна бири экран рамкаси қалинлиги десак , эҳтимол, адашмаган бўламиз. Ҳар йили таниқли брендлар ўзларининг қурилмлари экранини иложи борича ингичка рамка билан чиқаришга ҳаракат қилишади. Бу борада ҳозирги "қирол" Xiaomi 13 флагмани бўлиб, унинг пастки жағи қалинлиги 1.81 мм, қолган томонлари рамкаси эса 1.61 миллиметрни ташкил қилади. Бироқ, ушбу рекорд бу йил Apple'нинг янги авлод iPhone'лари билан янгиланиши мумкин.
Таниқли инсайдер, Ice Universe, ўзининг Twitter саҳифасида iPhone 15 Pro Мах (ёхуд Ultra) смартфони экранидаги қора чегаралар қалинлиги атиги 1.55 мм бўлишини маълум қилди. Таъкидлаш жоизки, бу ҳозирги iPhone 14 Pro Мах моделининг 2.17 мм қалинликдаги экран рамкасидан анча яхши янгиланишдир.
iPhone 15 Pro Max will break the record of 1.81mm bezel black edge held by Xiaomi 13, and we measure that its cover plate black bezel width is only 1.55 mm.（S22 and S23 ≈1.95mm，iPhone 14 Pro 2.17mm） pic.twitter.com/9TBrVCGSCo
— Ice universe (@UniverseIce) March 17, 2023
Маълумот учун Galaxy S22 Ultra ва Galaxy S23 Ultra смартфонлари ≈1.95 мм қалинликдаги экран рамкасига эга.
Шуни ҳам айтиш керакки, Android смартфонларидан фарқли ўлароқ, Apple'нинг iPhone'лари экран рамкаси ҳар томондан бир хил ўлчамда бўлади. Шундай экан, юқорида келтирилган маълумот фақат экран пастки жағи ёки ён томонлари учун эмас, балки барча томонлар учун амал қилади.
Миш-мишларга кўра, iPhone 15 сериясидаги барча моделларнинг олд ва орқа томонлари четлари бирозгина эгилган бўлади. Шунингдек, нафақат Pro, балки оддий моделлар ҳам динамик оролга эга бўлиши анча аввал маълум бўлган эди. Қурилмаларнинг экран ўлчамлари ўтган йилги, яъни ҳозирги iPhone 14 моделлариникидан фарқ қилмаслиги айтилмоқда.
