iPhone 15 смартфонлари портида муҳим ўзгариш бўлади

iPhone 15 смартфонлари портида муҳим ўзгариш бўлади

Ҳали iPhone 14 смартфонлари чиқарилганига 1 ой ҳам бўлмади, аммо, интернетда Appleънинг навбатдаги смартфонлари серияси ҳақида бир қанча миш-мишлар тарқалиб улгурди. Яқинда таъминот занжири таҳлилчиси, Росс Ёунг динамик орол барча iPhone 15 моделлари - оддий ва Pro моделлар учун стандарт бўлишини, таниқли Apple таҳлилчиси Марк Гурман эса iPhone 15 смартфонлари янги ном схемаси билан чиқарилишини, ёхуд "Pro Max" бренди "Ultra"га алиштирилишини маълум қилган эди. Шунингдек, Гурманнинг қўшимча қилишича, Европа Иттифоқининг 2024 йил кузигача барча телефонларни фақат USB-C порти билан чиқариш қонунидан кейин Apple ўзининг янги авлод iPhoneъларини ушбу хусусият билан синовдан ўтказмоқда.

Ҳозирча қайси моделлар USB-C портига эга бўлишини аниқ эмас. Компания USB-C портларини фақат Pro моделлар учун эксклюзив қилиши, оддий моделларни эса Lightning билан чиқариши ҳам мумкин. 2024 йилга келиб эса ҳеч қандай қувватлаш портларига эга бўлмаган iPhone'лар чиқарилиши ҳам мумкин. Ҳали iPhone 15 чиқарилишига деярли бир йил бор, шундай экан келаётган ойларда батафсил маълумотлар билан танишишимиз мумкин бўлади.  

"Pro Max" исм қўшимчасига эга модел илк марта 2019 йилда, iPhone 11 серияси билан тақдим қилинган эди. Айтиш мумкинки, Ultra қўшимчаси Apple қурилмалари учун бегона эмас. Компания яқинда бу ном билан ўзининг Watch Ultra смарцоатларини тақдим қилиб ҳам улгурди. Қолаверса, компаниянинг М1 чиплари ҳам Ultra моделга эга. 

Таъкидлаш жоизки, яқинда тақдим қилинган iPhone 14 смартфонлари ҳам янги ном схемасига эга: iPhone 8 смартфонларидан кейин воз кечилган "Plus" номи iPhone 14 Plus билан қайтарилди. Агар миш-мишлар тўғри бўладиган бўлса, кейинги йилги iPhone 15 смартфонларидан Мах номи бутунлай йўқолади. Компанияда Мах номи билан AirPods Мах қурилмаси бор. Apple ўз қурилмалари Мах брендидан тўлиқ воз кечадими, йўқми бу ҳозирча номаълум.

ЎҚИНГ: iOS 16 тизимида Telegram'даги матнлар форматини қандай ўзгартириш мумкин?