iPhone X 3,5 км баландликдан тушиб кетди — смартфон ҳатто тирналмади ҳам

iPhone X 3,5 км баландликдан тушиб кетди — смартфон ҳатто тирналмади ҳам

Diamond Aviators форуми фойдаланувчиларидан бири ўзининг iPhone X смартфони билан бўлган ажойиб ҳикоясини сўзлаб берди. Смартфон катта баландликдан тушиб кетган, лекин умуман зарар кўрмаган.

ЎҚИНГ: iPhone 12 тутаётган бўлсангиз ҳам, барибир iPhone 13 олиш учун 5 сабаб

8 август куни dmloftus номли фойдаланувчи ўзининг Diamond DA40 самолётида Колорадо-Спрингсдан Атлантага учади. Бир пайт, у булутларни суратга олмоқчи бўлиб, бунинг учун махсус кичик ойнани очади. Учувчи юқори тезликда ҳаракатланаётганда, ҳаво оқимлари смартфонни ойнага томон тортиб олишини яхши биларди. Шунинг учун, смартфонни ойнадан узоқроқ масофада ушлаб туради. Бироқ, шу пайт самолёт енгил турбулентликка учрайди, натижада смартфон дераза томон тортилиб, қўлдан чиқади. Бу вақтда самолёт тахминан 280 км/соат тезлик билан тахминан 3,5 км баландликда ҳаракатланаётган эди.

Учувчи шу пайтнинг ўзида iPhone билан хайрлашди, лекин эртаси куни эски iPhone 6s орқали iPhone X ҳали ҳам сигнал узатаётганини пайқаб қолади.

Смартфонни топишга уриниш учун сигнал келаётган жойга боришга қарор қилади. Маълум бўлишича, қурилма соя ўсаётган далага тушиб кетган. Буталар белгача баландликда ўсгани учун смартфонни топиш қийин эди. iPhone X зарядсизланган эди, шунинг учун, бу вақт ҳеч қандай сигнал бермас эди.

Бир соатдан кўпроқ вақт ўтгач, смартфон топилади. Қурилмага ҳеч қандай шикаст етмаган эди. Эҳтимол, бунга қисман сабаб смартфонга кийғизилган ғилоф бўлган. Кейинчалик маълум бўлишича, смартфон тўлиқ функционал экан.

Тахмин қилиш мумкинки, буталар смартфон тезлигини камайтирган. Смартфон ғилоф билан қоплангани ва бетон ёки асфальтга эмас, ерга тушгани туфайли ҳам омон қолган. Қандай бўлмасин, бундай баландликни ҳисобга олсак, ушбу ҳолат жуда қизиқ.

ЎҚИНГ: Мусулмонлар ва насронийлар учун олти ярим минг долларлик iPhone 13 Pro’лар тақдим этилди