Жаҳоннинг энг яхши смартфонлари рейтинги эълон қилинди
АҚШ Истеъмолчилари кенгашига қарашли, Американинг нуфузли Consumer Reports маҳсулотлар тавсифига бағишланган ойлик журнали ўзининг 13 апрелда чоп этилган сонида жаҳоннинг энг яхши смартфонини эълон қилди. Унга кўра, Samsung Galaxy S9 ҳамда S9+ рейтингда яққол пешқадам бўлдилар. Ўтган икки йиллар мобайнида Galaxy S8 ва Galaxy S7 энг яхши мобил алоқа воситалари деб топилган эди.
Consumer Reports мутахассислари Samsung Galaxy S9 ҳамда S9+ ўз услублари ва мезонлари бўйича баҳолаб, смартфонларни айни пайтдаги “энг яхши гаджет”, деб топишган. Улардан сўнг рейтингда S8 Active (79 балл) ва S8 Plus (79 балл) моделлари ўрин эгаллашган.
Экспертларнинг фикрича, гарчи флагманлар "аждодлари"га қараганда катта фарққа эга бўлмаган бўлишса ҳам, аммо уларнинг диққатга сазовор томонлари бор. Samsung флагманларига 100 дан 81 балл қўйилган.
Ўқинг: Сноуден Telegram'нинг блокланиши бўйича фикрини билдирди
Мисол учун, Consumer Reports мутахассисларига кўра, бу йилги флагманлар жуда пишиқ қилиб ишланган. Айниқса, синов жараёнида янги моделларнинг экрани Galaxy S8 ва S8+ смартфонлариникидан анча чидамли бўлиб чиқди. Хусусан, Galaxy S9 энг пишиқ ва чидамли экранга эга бўлиб чиқди.
Шунингдек, экспертлар смартфонлардаги самарадорликни ошганини ҳам қайд этишди. Ва, AKG брендига мансуб, Dolby Atmos технологиясига асосланган сифатли стереодинамиклар ҳамда қулай жойга ўрнатилган бармоқ изи сканери айни муддао. Яна бир муҳим жиҳати сифатида қиёфа ҳамда кўзнинг пардасини уйғун ҳолда сканер қилувчи олд камера фаолияти ҳам алоҳида қайд этилган. Бироқ, мутахассисларнинг фикрича, аккумулятор сиғимининг кичрайтирилгани яхши қарор бўлмаган.
Consumer Reports сайтида эълон қилинган рейтингда, шунингдек Apple iPhone 8 (79 балл) ҳамда 8 Plus (балл) моделлари еттинчи ва олтинчи ўринга, iPhone X (78 балл) эса саккизинчи ўринга муносиб кўрилган. Америкалик компания флагмани дизайнини тубдан ўзгартирган бўлса ҳам, негадир рейтингда ҳануз юқорилай олмаяпти.
Ўқинг: Америка хитойлик IT-гигантлардан бирига санкция қўллади
