Йилнинг энг инновацион компаниялари
2017 Fast Company журнали ўз версиясига кўра 2017 йилнинг энг инновацион компаниялари рўйхатини эълон қилди. Қизиғи, унда миньонлар ҳақидаги фильмлар ижодкорлари ҳам бор!
Мазкур рўйхатнинг илғорлари Amazon (тобора кўпроқ, тезкорроқ ва «оқилона» таклифлари учун), Google (3D-моделлаштириш учун Tango лойиҳаси эвазига) ва Uber (пилотсиз парвоз тараққиёти туфайли) ҳисобланади.
Apple, Snapchat, Facebook, Netflix ва Spotify билан бирга, юқори ўнталикдан жой олган компаниялар қаторида Twilio – мулоқот сервислари иловаси платформаси ижодкорлари ҳамда «озиқ-овқат маҳсулотлари» стартапи учун инкубатор яратган Греция компанияси – йогуртлар ишлаб чиқарувчи Chobani ҳам бор.
Fast Company рейтингининг юқори ўнталиги
Рўйхатнинг 19-ўрнида Open Whisper Systems компанияси турибди, у кимсан Эдвард Сноуден томонидан маъқулланган Signal мессенжерини ишлаб чиққан. Мазкур муаллифларни Fast Company «омманинг ҳимояланган мулоқотини ривожлантиргани» учун рўйхатга киритган.
Ундан кейинги ўринни эса «Қабиҳ Мен» («Гадкий Я»), «Миньонлар» каби мультфильмларни ишлаган Illumination Entertainment анимацион студияси банд этган. Рейтинг тузувчилар мазкур компания «миньондан махлуқ яратгани»ни таъкидлаб, студиянинг 75 миллион доллар бюджетга эга «Уй ҳайвонларининг махфий ҳаёти» лойиҳаси киноижараларда 876 миллион доллар тўплаганига ҳам урғу беришган.
23-ўриндаги Slack мессенжери «қийин ишларни ботлар ёрдамида осонлаштиргани учун» рўйхатдан жой олган. MailChimp email-тарқатмалар сервиси рейтингда 47-ўринни эгаллаган; унинг кичкина лойиҳаларга фойдаланувчилар билан мулоқот қилишга ёрдам берувчи жиҳозларни яратгани таъкидланади.
Рейтингдаги 50-ўринни Drone Racing League компанияси олган; у виртуал реаллик шлемлари ёрдамида бошқарилувчи кичкина дронлар пойгасини уюштиргани эътироф этилган. 2016 йили бу компания DRL Racing Simulator виртуалини йўлга қўйди ва болалар учун ўз бренди остида пойга дронларини ишлаб чиқаришини маълум қилди.
Айтиб ўтиш жоизки, ўтган йили рейтинг етакчиси Buzzfeed нашри бўлиб, «бутун дунёда медиани ларзага солгани» ҳамда ўзида доим ўзгариб туриш имкони мавжудлиги учун бунга лойиқ кўрилган.
