Камералар “жанги”: Sony Xperia, Google Pixel, iPhone 7 Plus

Камералар “жанги”: Sony Xperia, Google Pixel, iPhone 7 Plus

Sony компанияси томонидан тақдим қилинган флагманлар — Xperia XZ Premium ва Xperia XZs’нинг ҳар иккаласи энг сўнгги технологияга эга 19 мегапикселли фото-объективлар билан таъминланган. Унинг ёруғликни қабул қилувчи оптик приборининг ҳажми f/2.0. 2016 йилдан ишлаб чиқарилаётган Xperia XZs моделининг имкониятларини ўрганиш учун уни Apple ва Google’нинг “энг зўр” дея айтилаётган гаджетларида олинган суратлар билан таққослаб кўрдик. Эслатиб ўтамиз, Xperia XZ Premium ва Xperia XZs’нинг камера модуллари бир хил.

iPhone 7 Plus смартфони 2 та 12 мегапикселли объективлар жамланмасидан иборат. Уларнинг апертураси, яъни ёруғликни қабул қилувчи оптик приборининг ҳажми f/1.8, камера оптик барқарорлаштириш, фазавий автофокус функцияларига эга.

Google Pixel’нинг бош камераси 12.3 МП, унинг ёруғлик ўтказувчи оптик приборининг ҳажми f/2.0 бўлиб, камера фазали автофокус, лазерли автофокус функциялари билан таъминланган.

Шундай қилиб, беллашув бошланди.

1-шарт: Сурат солинган деворни акс эттириш

Android тизими рамзи туширилган ушбу суратдаги ҳар бир детал аниқ-тиниқ суратда муҳрланиши учун камерадан юқори технологик таъминот талаб этилади. Сурат олинган вақтда об-ҳаво шароити қулай, ёруғлик етарли бўлгани боис, камера ноқулайликка дуч келмайди.

Кўриб турганингиздек, олинган суратлар орасида Google Pixel смартфонида олинган расм ажралиб турибди. Ундаги оқ ранг даражасининг ошиб кетмаганига гувоҳ бўлиб турибмиз. Ранглар ўртасидаги нисбат, умумий равшанлик ҳолати юқори.

iPhone олган суратнинг оқ рангли қисми сарғиш тусга кирганини кўриш мумкин. Sony флагманида олинган суратда деталларнинг бир оз хиралигига гувоҳ бўлиш мумкин. Бироқ, бу борадаги мағлубиятнинг омилини оддий фойдаланувчи сезмаслиги, бу камчиликларга эътибор қилмаслиги мумкин. Биз эса эксперт сифатида холис ва асосланган баҳони беришга мажбурмиз.

2-шарт: Ялтироқ кубок сурати

Ялтироқ, ўзидан нур қайтараётган жисмларни суратга олиш ҳар қандай камера учун жиддий синоқ. Шу сабабли, синовнинг кейинги босқичида жаҳоннинг илғор смартфонлари ялтироқ кубок ва унда таралаётган жилони муҳрлашлари керак бўлади. UEFA логотипини фокуслашда камералар имкон қадар ҳаракат қилишди. Google Pixel бу гал ҳам ўзига берилган таърифни оқлади. Фирманинг HDR (кенгайтирилган динамик диапозони)га хос технологияси тилла рангини “кўра” олди, камера матрицаси ва оптик прибор унинг равшанлигини таъминлади.

iPhone олган суратда рангнинг тасвирланиши ва тиниқлик етарли даражада эмас. Шу боис, унинг камераси бу беллашувда иккинчи ўринни эгаллади. Sony Xperia XZs олган сурат айфонда олинган расмдан у қадар фарқ қилмайди.  Xperia XZ олган тасвирда кубокдаги ҳарфлар ноаниқ.

3-шарт: Газета саҳифасини суратга олиш

Иш ёки зарурат юзасидан турли ҳужжат ёки саҳифаларни суратга олиб, жўнатишга тўғри келиб қолади. Кўриб турганингиздек, бу гал Xperia XZs ғолибликни қўлга киритди! Google флагмани негадир бу гал ҳарфларни ярим шаффоф кўринишга келтириб қўйди. iPhone эса кичкина ҳарфларни тиниқ кўрсатишда ундан пешқадам. Apple смартфонининг суратида ёруғликни етказиш пастроқ. Аслида оқиш бўлган газета саҳифаси суратда сарғайиб қолган. Шу билан бирга, Xperia XZs ва айфон суратларидаги равшанлик даражаси деярли бир хил.

4-шарт: Жуда қоронғу токча ва ёруғлик етишмовчилиги шароитида суратга олиш

Камералар ўртасидаги бу беллашувнинг энг машаққатли синови айни шу жараён бўлди, дейиш мумкин. Бунда камералардан қоронғу жойда турган ранг-баранг суратларни тасвирга олиш талаб этилди. Одатда айнан шундай шароитда сифатли суратга олишни таъминлаш учун ҳам смартфон ишлаб чиқарувчилари HDR режимини ишлаб чиқишади. Кўриб турганингиздек, бу беллашув ғолиби – Pixel смартфони.

Гувоҳи бўлаётганингиздек, iPhone 7 Plus ҳамда Xperia XZs’нинг камералари олган суратларини бир-биридан ажратиш қийин. Apple гаджетида хирали кам бўлса ҳам, суратнинг бўзарганини кўриш мумкин. Токча усти эса жуда ёришиб кетган. Sony аппаратида ҳам хиралик бор, аммо у олган сурат жуда оқариб кетмаган.

5-шарт: Момиқ гулни суратга олиш

Макро форматда суратга олишда ҳам Sony камерасининг илғорлигига гувоҳ бўлиш мумкин. Момиқ гулнинг яқинлаштирилган момиқларига эътибор қилинг. iPhone ва XZs олган суратлар даражаси деярли бир хил. Кичик деталларнинг тасвирланиши ҳар учала смарфтон суратида ҳам ёмон эмас.

Хулоса қандай?

Гувоҳи бўлганингиздек, бу беллашувнинг 3 шартида Google’нинг Pixel смартфони ғолиб бўлди. Бу бекорга эмас. Илғор технология ўз натижасини берди. Айтиш керакки, Google Pixel  2016 йилда “Йилнинг энг яхши суратга олувчи смартфони” мукофотини қўлга киритган. Унинг энг кучли жиҳати — Sony томонидан ишлаб чиқарилган IMX378 сенсори ҳисобланади. Унда Sony’нинг SME-HDR ва фазали автофокус технологиялари татбиқ этилган.  Xiaomi Mi 5S смартфонида ҳам худди шундай сенсор ўрнатилган.  Xperia XZs флагмани эса мусобақада 2-ўринни эгаллади, дейишимиз мумкин.

 

Сайтимизнинг энг чиройли расмларини Инстаграмдаги саҳифамизда томоша қилинг!