Компютер мониторини қандай тозалаш керак?

Компютер мониторини қандай тозалаш керак?

Компютерингиз монитори ишингиз маҳсулдорлиги калитидир, лекин уни тозалашга келганда... ёки деярли тозаламайсиз ёки қўлингиз билан бир-бир артиб қўясиз. Албатта, ҳеч ким компютери мониторида доғлар, чанг ва бошқаларни кўришни ёқтирмайди. Шунинг учун, ушбу қўлланмада биз бир неча оддий қадамда мониторни қандай тозалаш кераклигини кўриб чиқамиз.

Мониторни тозалашга керак бўладиган нарсалар?

Бизга энг асосийси экрандаги чанг ва қолдиқларни тозалаш учун микрофибер мато керак бўлади. Илтимос, салфетка ёки бошқа латта-путталардан фойдаланманг, чунки улар дисплейингиз панелини тирнаши мумкин. Нам салфеткалар эса экранда доғ қолдиради.

Бизга керак бўладиган иккинчи нарса бу – сув. Дистилланган бўлса яна нур устига аъло нур. У билан микрофибер мато бирлашмаси экранни тозалаш учун яхши воситага айланади. 

Яна бир нарса, агар топилса, электроникаларни тозалашда ишлатиладиган кансерварли сиқилган ҳаво.   

Экранни тозалаш: 1-қадам

Керакли нарсаларни тайёрлаб олгандан кейин, енгни шимариб экранни тозалашга ўтсак. Энг аввало тозалашни бошлашдан олдин мониторингиз токдан узилганига ва у совуганига ишонч ҳосил қилинг. Ҳар эҳтимолга қарши, унга уланган ҳар қандай кабелларни узиб қўйинг.

Аввалига қуруқ микрофибер матони қўлингизга олинг ва агар у катта бўлса буклаб олинг. Уни монитор юзасига яқинлаштиринг ва чангларни тозалаш учун аста-секинлик билан экранни артишни бошланг. Ушбу жараёнда мониторни ёриб, синдириб қўймаслик учун қўлингизни қаттиқ босманг. Дисплейни тозалаб бўлгач, монитор орқа томонини ўзингиз қаратинг. У ерда чанг кўпроқ бўлиши мумкин. Бундай ҳолда чангларни йўқотиш учун иложи бўлса сиқилган ҳаводан фойдаланинг. Ёки бўлмаса, исталган юмшоқ мато билан чангларни тўпламасдан, жойларни қисқа-қисқа ҳаракатлар билан тозаланг.

Экранни тозалаш: 2-қадам

Энди иккинчи қадамга ўтсак. Навбатда микрофибер матони (иложи бўлса дистилланган) сув билан намланг, ҳўлламанг, шунчаки намланг ва монитордаги доғ ва бошқаларни йўқотиш учун уни секин-аста тозаланг. Диққат! Экранга сув пуркаманг! Бунда сув экранга сизиб кириши ва унинг компонентларига зарар етказиши мумкин.

Экранни тўлиқ бир марта нам микрофибер мато билан тозаланганингиздан сўнг, уни яхшилаб ювиб ташланг ва сиқинг ёки иккинчи микрофибер матони ҳам аввалгидек намлаб, экран аввалги тозалашдан қуриганидан сўнг, қолиб кетиши мумкин бўлган доғларни йўқотиш учун яна бир марта мониторни артинг. Сўнгра монитор орқа томонини ҳам худди шу қадамлар билан тозалашни унутманг.

Тайёр. Энди аввал узилган кабелларни қайта уланг, компютерингиз ёқинг ва экранингиз аввал қанчалик чанг бўлганини ва ҳозир у қанчалик тиниқ бўлганини ҳис қилинг.

ЎҚИНГ: 2022 йилнинг топ беш бепул, шутер ўйинлари билан танишинг

Хабарларни тез ва осон ўқиш учун Андроид иловамизни сақлаб олинг.