Кўплаб шов-шувларга сабаб бўлган Nothing phone (1) расман тақдим этилди

Hasanboy
4038
13.07.2022 09:36

Nothing компанияси ўтган бир неча ҳафта давомида ўзининг биринчи смартфони ҳақида қисқача маълумотларни тақдим этиб келаётган эди. Кеча смартфон расман тақдим этилди.

Смартфон корпуси қайта ишлаган алюминийдан ясалган. Унга 1080х2400 резолюциядсги 6.55 дюймли OLED дисплейи ўрнатилган бўлиб, у 120 гертс экран янгиланиш частотаси ва 240 гертс сенсорли намуна олиш частотасини қўллаб-қувватлайди. Дисплейнинг максимал ёрқинлик даражаси 1200 нитга тенг бўлиб, ташқи томондан уни Gorilla Glass 5 шишаси ҳимоялаб туради.

Қурилма Snapdragon 778G+ чипида ишлайди. Орқа панелдан Sony IMX766 сенсорига эга бўлган f/1.8 диафрагмадаги 50МП асосий камера ҳамда Samsung GN1 сенсорига эга бўлган f/2.2 диафрагмадаги 50МП ультракенг камера ўрин олган. Олд томонда Sony IMX471 сенсорли 16МП селфи камера жойлашган.

Бармоқ изи сканери экран остидан ўрин олган. Nothing сканер оптик ёки ультра товушли эканлигига ойдинлик киритмади. Катта эҳтимол билан қурилмага оптик бармоқ изи сканери ўрнатилган. Смартфон Android 12 операцион тизимига асосланган Nothing OS қобиғида ишлайди. Қобиқ операцион тизимни жуда ҳам ўзгартириб юбормаган. Фойдаланувчи худди соф Android тизимидан фойдаланилганини ҳис этиши мумкин. Компания смартфонни уч йиллик Android янгиланишлари ҳамда тўрт йиллик хавфсизлик янгиланишлари билан таъминланайди. Ҳавфсизлик янгиланиши ҳар икки ойда жўнатилади.

Қурилмадаги 4,500 мАс сиғимли аккумулятор 33 ватт қуввлаш технологиясини қўллаб-қувватлайди. Шунингдек, смартфон 15 ваттда сизмсиз зарядланиши ҳамда ўзида 5 ватт тезликда қувват бериши мумкин.

Гаджет IP53 стандартига эга. Қурилма қутисида қувватлаш адаптери бўлмайди. Компания 45 ваттлик қувватлаш адаптерини 35 евро нархда сотувга чиқаради.

Смартфоннинг ноёб жиҳати шундаки, унинг орқа панели шаффоф дизайнда яратилган ҳамда у ердан LED чироқлари ўрин олган. LED чироқлар маълум бир маълумотни кўрсатиб туриш вазифасини бажаради. Мисол учун, қурилма қувват олаётган вақтда LED чироғи бу ҳақида маълумот бериб туради. Бундан ташқари, қурилма ўзидан қувват берганда, шунингдек, камерадан фойдаланилганда ҳам орқа панелдаги чироқлар бу тўгрисида хабар беради. LED чироқлар қўнғироқ овозлари учун ҳам синхронлаштирилган.