Коронавирус ҳақида ёзиб келаётган блогерлар изсиз ғойиб бўлди
Хитойда коронавирус пандемиясига алоқадор махфий хабарларни ёзиб бораётган 3 нафар блогер 19 апрелдан буён изсиз ғойиб бўлди. Бу ҳақда Sof.uz нашри ёзмоқда.
ЎҚИНГ: Онлайн дарсларни бузгани учун YouTube-блогер устидан жиноий иш очилди
Ғойиб бўлганлардан бирининг қариндоши берган маълумотларга кўра, блогерлар йўқолиб қолишларидан аввал Хитой полицияси томонидан сўроқ қилинган.
Блогерлар тарафидан ишлатилган Terminus2049 номли сайтда, Хитой ҳукумати томонидан цензурага учраган, блокланган ёки ўчирилган хабарлар бошқатдан эълон қилиниб борилган эди.
Эслатиб ўтамиз, ижтимоий тармоқларда коронавирус ҳақида ёлғон маълумот тарқатгани учун сурхондарёлик юртдошимиз жаримага тортилган, қашқадарёлик фойдаланувчига эса маъмурий қамоқ жазоси қўлланган эди. Қўқон шаҳрида эса Telegram’да коронавирус ҳақида ёлғон тарқатган депутатга нисбатан жиноят иши қўзғатилган.
