Машҳур YouTuber 2022 йилги энг яхши смартфонларни аниқлади
Ҳар йили машҳур YouTuber Маркес Браунли (MKBHD) турли хил категориялар бўйича йилнинг энг яхши смартфонларини аниқлайди. Ўтган йили iPhone моделлари учта номинацияда ғолиб бўлган бўлса, бу йил негадир Apple смартфонлари бироз диққат марказидан йўқолиб қолди.
MKBHD ғолиб смартфонларни қуйдаги категориялар бўйича аниқлади:
• Энг яхши катта смартфон
• Энг яхши кичик смартфон
• Энг яхши камерага эга смартфон
• Энг яхши қувват самарадорлигига эга смартфон
• Энг яхши дизайндаги смартфон
• Нархига арзийдиган энг яхши смартфон
• Йилнинг энг муваффақиятсиз смартфони
• Йилнинг энг яхши смартфони
Кутилганидек, ушбу категорияларда ғолиб бўлиш учун кўплаб Android смартфонларини топиш мумкин. Apple эса ҳозирда фақат саккизта iPhone моделларидан сотмоқда. Уларнинг бештаси ушбу йилда тақдим этилган. Гарчи MKBHD ғолибларни ўзининг мезонларига асосланган ҳолда аниқлаган бўлса-да, у смартфонларнинг техник кўрсаткичлари ва ўзинг фойдаланиш тажрибасига ҳам аҳамият берган.
Энг яхши катта смартфон
iPhone 14 Pro Max 6.7 дюймли дисплейга эгалигини ҳисобга олиб, уни катта смартфон дейиш мумкин. Бироқ MKBHD 2022 йилнинг энг яхши катта смартфони номинациясига Galaxy S22 Ultra'ни танлади.
Youtuber'нинг фикрига кўра, ушбу смартфон 6.8 дюймли катта дисплейга эга. Дастурий таъминот билан оптималлаштирилган стилус эса айнан катта ҳажмли дисплей билан ишлашда анча қулайлик яратади. Шунингдек, у смартфон 5,000 мАс аккумулятор ҳамда орқа панелдаги тўртта камерага эга эканлигига ҳам урғу берган.
Маркес, шунингдек, ASUS ROG Phone 6 моделини ҳам мақтаб ўтган. Ушбу қурилма ўйин учун мўлжалланган бўлиб, унинг олд томонда катта стерео динамик ҳамда 3.5 мм аудио жек билан жиҳозланганлиги алоҳида эътиборга молик.
Xiaomi Mix Fold 2 модели букланганда оддий смартфонлар каби қалинликда бўлгани учун ҳам уни энг яхши катта смартфонлар қаторида эслаб ўтилди.
Энг яхши кичик смартфон
Ўтган йили iPhone 13 mini ушбу категорияда ғолиб бўлган эди. Борган сари смартфонлар ҳажми катталашиб, кичик флагман смартфон камайиб кетмоқда. Apple ҳам mini моделдан воз кечиб, уни катта Plus моделга ўзгартирди. Бу йил эса MKBHD энг яхши кичик смартфон номинациясида ASUS Zenfone 9 моделини танлади.
Гарчи 5.9 дюймли дисплейга эга ушбу смартфон iPhone 13 mini каби кичик бўлмаса-да, қолган смартфонларга қараганда унинг ҳажми унчалик катта эмас. Маркес қурилма флагман даражадаги техник кўрсаткичлар, юқори сифатдаги камера, 3.5 мм аудио жек ва узоқ муддатли аккумулятор автономлигига эга эканлигини айтиб ўтди.
Oppo Find N2 модели ҳам букланганда кичик ҳажмда бўлганлиги сабаб Маркес ушбу букламафонни ҳам ғолиблар қаторида эслаб ўтди.
Энг яхши камерага эга смартфон
Ушбу номинацияда бирор бир смартфон танлаб олиш кўпроқ субъектив фикрлар асосида амалга оширилади. Бунинг сабаби сурат ва видеолар учун турли хил мезонлар бўлиб, бунда ҳаммага битта смартфонда олинган сурат ёки видеолар ёқавермайди.
Бир неча кун олдин MKBHD смартфон камераларада ўтказилган тест натижаларини эълон қилди. Тестда иштирокчига сурат қайси смартфонда олингани айтилмайди. Тест натижаларига кўра, Pixel 6a биринчи, Prixel 7 Pro эса иккинчи ўринни эгаллади.
Бироқ Маркес энг яхши камерали смартфон номинациясига iPhone 14 Pro моделини танлади. Youtuber'нинг айтишича, iPhone 14 Pro камера иловаси жуда яхши ишлайди ҳамда ажойиб суратларни олади. Смартфоннинг барча камерлари сифат бўйича бир-биридан ўта даражада ортда қолмайди. Энг муҳими, Маркес iPhone видео сифати бўйича Android смартфонларидан бир бош устун эканлигини айтиб ўтди.
Энг яхши қувват самарадорлигига эга смартфон
Ушбу номинация бўйича ASUS ROG Phone 6 6 ғолиб бўлди. Ушбу модель 6,000 мАс сиғимли аккумулятор билан жиҳозланган. Шунингдек, у 65 ваттда қувват олади. Тўлиқ қувватланиш учун қурилма бир соатдан кам вақт сарфлайди.
Ўтган йили ушбу категорияда iPhone 13 Pro Max ғолиб бўлган эди. Бу йилги iPhone 14 Pro Max қувват самарадорлиги бўйича олдинги моделчалик бўла олмади.
Қизиғи, Маркес iPhone 14 Plus модели аккумулятор самарадорлиги бўйича Pro Max моделдан яхшироқ эканини айтиб ўтди. iPhone 14 Plus модели Pro Max каби 120 гертсли экран ҳамда Always On Display функциясига эга эмас. Шу сабабли у қувватни камроқ сарфлайди.
Энг яхши дизайндаги смартфон
Энг яхши дизайндаги смартфонни танлаш ҳам субъектив фикр. MKBHD бу борада Nothing Phone'ни танлади. Ушбу смартфон бошқалардан ажралиб туради. Негаки, унинг орқа панели шаффоф шиша билан қопланган бўлиб, унинг ичига билдиришнома келганини, смартфон қувватланаётганини ва бошқа нарсаларни билдириб турадиган LED чироқлар ўрнатилган.
Xiaomi Mix Fold 2 модели букланганда одатий смартфон дизайнида бўлиб қолиши сабабли Маркес ушбу смартфонга яна бир бор тўхталиб ўтди.
Нархига арзийдиган энг яхши смартфон
Ўтган йили ушбу номинацияда ғолиблик Pixel 6 моделига насиб қилган эди. Бир йил ўтиб энди Pixel 7 ғолиб бўлмоқда. Маркеснинг айтишича, 599 доллар нарх атрофида Pixel 7'дан яхшироқ смартфонни топиш мушкул. Шунингдек, у ўзидан қимматроқ моделлардан ҳам яхшироқ эканлиги айтилмоқда.
Zenfone 9 ҳам ўз нархига арзийдиган энг яхши смартфонлардан бири эканлиги ҳам айтиб ўтилди. 699 долларлик ушбу смартфон нархига нисбатан яхшироқ кўрсаткичларни тақдим этади.
Йилнинг энг муваффақиятсиз смартфони
2021 йилда Surface Duo 2 энг муваффақиятсиз смартфон деб ҳисобланган эди. Ушбу иккита экранга ажралган қурилманинг нархи 1500 доллар эди. Аммо дизайн ҳамда дастурий таъминотдаги муаммолар ва қиммат нарх гаджетнинг муваффақиятсиз чиққанини билдирар эди. Бу йил эса бу номга OnePlus 10T сазовор бўлди.
MKBHD ушбу моделдан кўп нарса кутгани, натижа эса умуман у кутмагнидек бўлиб чиққанини айтиб ўтди.
Йилнинг яхши смартфони
Samsung Galaxy S21 Ultra ўтган йили йилнинг энг яхши смартфони деб эълон қилинган эди. Бу сафар ушбу эътироф Google Pixel 7 моделига насиб этди. Юқорида айтилганидек, MKBHD ушбу смартфон ўз нархи эвазига сифатли дисплей ва камералар, бундан ташқари, дастурий таъминот тажрибаси ҳам аъло даражада.
Шунингдек, Маркес томонидан Zenfone 9 ҳамда Galaxy S22 Ultra ҳам йилнинг энг яхши смартфонлари деб эътироф этилди.
ЎҚИНГ: Galaxy S23 моделларининг аккумулятор сиғими қанча бўлади?
