MediaTek Dimensity 8000 ва 8100 чиплари тақдим этилди
Dimensity 9000 чипи Qualcomm'нинг флагман Snapdragon чипига рақобатчи эди. MediaTek эди яна янги рақобатчилар - Dimensity 8000 ва Dimensity 8100 чипларини тақдим этди.
Иккала чип ҳам 5 нанометрлик жараён асосида яратилган ҳамда бир хил аппарат таъминотига эга. Бироқ Dimensity 8100 нисбатан юқорироқ частотада ишлай олади.
Шунингдек, Dimensity 1300 чипи ҳам эълон қилинди. У ўтган йилги Dimensity 1200 чипининг янги такомиллашган авлоди ҳисобланади.
Икки Dimensity 8000 ва 8100 чилпларига тўхталадиган бўлсак, улар тўртта Cortex-A78 катта ядро ва тўртта А55 кичик ядроларига эга. Асосий процессор билан бирга Мали-G610 MC6 график процессори ишлайди. Ушбу график процессор ARM'нинг сўнгги архитектурасидан фойдаланади.
Dimensity 8100'нинг график процессори Dimensity 8000 чипиникидан 20% кўпроқ унумдорликни тақдим қилади.
GFXBench Manhattan тестида Dimensity 8100 чипи 170 кадр/сония, Dimensity 8000 эса 140 кадр/сонияда ишлади.
Иккала чип ҳам MiraVision 780 технологиясига эга бўлиб, FHD+ резолюцияда 168Hz янгиланиш частотасини қўллаб-қувватлайди. Dimensity 8100 чипининг бир фарқи шундаки, у WQHD+ резолюцияда 120Hz частотани ҳам қўллаб-қувватлайди. Иккаласида ҳам 4K AV1 видео декодерлари ва HDR10+ адаптив частота (HDR10+ таркибини атроф-муҳит ёруғлиги шароитларига мослаш) мавжуд.
Иккала чипсет ҳам 200 МГтс гача бўлган тармоқ кенглиги учун иккита ташувчини бирлаштирган 5G модемларига эга. Бу 4.7 Гбит/секундгача юклаш тезлигини таъминлайди. Модем 5G+5G Dual SIM, Dual Standby режимини қўллаб-қувватлайди. Чип Wi-Fi 6E ва Bluetooth 5.3 тармоқларига эга.
Dimensity 1300 эса аввалги 1200 чипга ўшайди. Янги чипининг NPU самарадорлиги ошган бўлиб, бу тунги режим ва сунъий интеллектли HDR'нинг яхшиланишига сабаб бўлган.
Dimensity 1300, 8000 ва 8100 чипига эга бўлган смартфонлар 2022 йилнинг биринчи чорагида тақдим этилади. Катта эҳтимол билан ушбу смартфонлар биринчи бўлиб март ойида эълон қилинади.
ЎҚИНГ: Poco X4 Pro 5G ва Poco M4 Pro смартфонлари тақдим этилди
