MediaTek Dimensity 9000 ҳамда Snapdragon 8 Gen1 чиплари таққослаб кўрилди

MediaTek Dimensity 9000 ҳамда Snapdragon 8 Gen1 чиплари таққослаб кўрилди

MediaTek Dimensity 9000 чипи турли хил бенчмаркларда тестдан ўтди. Унинг натижалари эса Qualcomm'нинг Snapdragon 8 Gen1 чипи билан таққосланди. 

ЎҚИНГ: GeekBench Galaxy A53 5G'нинг техник жиҳатларини ошкор қилди 

Қисқа қилиб айтганда, CPU бўйича Dimensity 9000 чипи, GPU борасида эса Snapdragon 8 Gen1 устун келган. 

Даставвал, чип AnTuTu'дан тестдан ўтди ва 1,017,488 баллни қўлга киритди. Аввалроқ ушбу чипга эга бўлган смартфон бир миллиондан ошиқ баллни тўплай олган эди. Snapdragon 8 Gen1 чипига тўхталадиган бўлсак, ушбу чип билан жиҳозланган realme GT 2 Pro қурилмаси ҳам бир миллиондан ошиқ баллни қўлга кирита олган эди. 

Кейинчалик, Dimensity 9000 чипи GeekBench'да тестдан ўтказилди. Бир ядроли тестда чип 1273 балл, кўп ядроли тестда эса 4323 баллни қўлга киритди. Таққослаш учун, Snapdragon 8 Gen1 чипи билан жиҳозланган Galaxy S22 Ultra бир ядроли тестда 1219 балл, кўп ядроли тестда эса 3154 баллни қўлга киритган эди. 

Бундай тафовутга нима сабаб бўлган? Хўш, агар CPU ядроларига эътибор қаратадиган бўлсак, Dimensity 9000 чипи битта 3.05 гигагертсли Cortex-X2, учта 2.85 гигагертсли Cortex--A710, тўртта 1.8 гигагертсли A510 ядроларидан ташкил топган. 

Snapdragon эса битта 3.0 гигагертсли Cortex-X2, учта 2.5 гигагертсли Cortex-A710, тўртта 1.8 гигагертсли A510 ядроларидан ташкил топган. Кўриниб турибдики, ўрта кластердаги нисбатан кучлироқ ядролар Dimensity чипининг кўпроқ балл тўплашига сабаб бўлган. 

GFXBenc v3.0 Manhattan бенчмаркида чипининг график процессор қисми 238 кадр/секунд янгиланиш частотасини қайд этди. Ушбу тестда эса Snapdragon 8 Gen1 чипи 267 кадр/секунд частотани қайд этган эди. GFXBenc 3.1 версиясида эса Dimensity 162 кадр/секунд, Snapdragon 176 кадр/секунд частотани қайд этди.  

ЎҚИНГ: Samsung беш йил аввал ишлаб чиқарилган смартфонга дастурий таъминот янгиланишни жўнатмоқда 

Сайт янгиликларидан доимий хабардор бўлиш учун Телеграм каналимизга қўшилинг!