Meizu компаниясидан Pro 5 Ubuntu Edition смартфони

Meizu компаниясидан Pro 5 Ubuntu Edition смартфони

Meizu ўз фаолиятини янада ривожлантириб, мижозлар ишончини оқлашга ҳаракат қилмоқда. Аввалроқ компания Canonical билан ҳамкорлик маҳсули сифатида Ubuntu операцион тизими билан ишловчи смартфонни тақдим этганди.

Компания мобиль телефон бозорида анча фаол. Масалан, ўтган йили Meizu компанияси MX4 Ubuntu Edition смартфонини ишлаб чиқарган бўлса, бугун эса Ubuntu операцион тизими асосидаги Pro 5нинг муқобил версиясини эълон қилди.

Canonical хабарига кўра, ўтган 12 ойда уларнинг операцин тизими асосида ишловчи 4 та қурилма ишлаб чиқарилган. Pro 5 ҳисоб бўйича бешинчиси. Умуман олганда, Canonical сингари янги ва ёш компания учун бу яхши кўрсаткич саналади.

Қайд этиш керакки, смартфоннинг техник тавсифи ўзгармаган. Meizu Pro 5 флагмени 5,7 дйюм Full HD-экран, Samsung Exynos 7420 чипсет, 3/4 ГБ тезкор хотира қурилмаси, 32/64 ГБ ички хотира, шунингдек, 21-Мп камера ва 3050 мАс қувватга эга батарея билан таъминланган.

Meizu компаниясининг Pro 5 Ubuntu Edition смартфонини MWC 2016 кўргазмасида кўриб қолсак ҳам ажаб эмас. Афсуски, қурилманинг нархи ҳақида ҳам маълумотлар тарқатилмади.

Terabayt.uz сайтининг видеолари: Youtube'даги каналимизда!