Meizu Super mCharge ақлбовар қилмас қулайликни ваъда қилмоқда
Meizu компанияси муҳандислари томонидан 2017 йилнинг февралида, MWC 2017 халқаро анжуманида Super mCharge тезкор қувват олиш технологияси намойиш қилинган эди. Тақдимот чоғида мазкур технологияга эга илк гаджетнинг 2017 йилнинг якунида яратилиши маълум қилинган.
Узоқ давом этган сукутдан кейин Meizu ўзининг Twitter тармоғидаги саҳифасида қуйидаги реклама суратини эълон қилди.
Унда шундай фикрлар ёзилган: "Super mCharge имкониятларини ишга солиш учун биз 4 маротаба кўпроқ электр токини жам қилувчи аккумулятор батареяларидан фойдаландик".
Кўриниб турибдики, ишлаб чиқарувчи нафақат Super mCharge тезкор олиш технологиясини, шу билан бирга бунинг учун махсус аккумуляторларни яратган. Бугунги кунда ўртача аккумулятор сиғими 3000 мА соат экани ҳисобга олинса, яқин вақт ичида смартфонни қувватлаш саноатида туб ўзгариш содир бўлади.
Эслатиб ўтамиз, Super mChage 11В/5А қувватлаш қурилмаси ҳамда махсус кабел ёрдамида смартфонларни тезкор қувватлайди. Мисол учун, бунда электр токи сиғими 3000 мА соат бўлган аккумулятор 100 фоиз қувват олиши учун 20 дақиқа керак бўлади.
