Meta ўзининг янги авлод VR қурилмасини намойиш қилди

Meta ўзининг янги авлод VR қурилмасини намойиш қилди

Meta компанияси ўзининг янги авлод VR қурилмаси, Quest Pro'ни намойиш қилди. Қуйида унинг янги дизайни, экрани, процессори ва хусусиятлари билан батафсил танишамиз.

Quest Pro сезиларли даражадаги дизайн ўзгаришига эга бўлиб, уни бошингизга ёстиқли пластик тасма билан кийишингиз мумкин. Унинг батареяси мувозанатни тиклаш учун қурилманинг орқа томонига ўтказилган. Қурилма оғирлиги 722 граммни ташкил қилади. Таъкидлаш жоизки, бу аввагли Quest 2'дан 503 (грамм) бироз оғирроқ.

Одатда, Quest Pro'нинг ингичка линза тизими билан сиз қурилмани таққанингизда унинг остида кўпроқ бўш жойни кўришингизни мумкин. Аммо, қўшимча юз маскалари билан сиз бу тешикларни тўсиб қўя оласиз.

Meta ўзининг янги Quest Pro моделига сиз аввалги VR қурилмаларда топа олмайдиган икки янги хусусиятни қўшган бўлиб, улардан бири кўзларингиз ва юзингизни кузатиш учун мўлжалланган ички олд камералардир. Улар сиз қачон кулсангиз, кўзингизни қиссангиз ёки қошингизни кўтарсангиз, аватарингиз ҳам шундай юз ифодаларини кўрсатиш имконини беради.

Яна бири янги хусусият эса рангларни тўлиқ ўтиши бўлиб, бунда қурилманинг юқори резолюцияли ташқи камералари атрофингиздаги нарсаларни суратга олади ва уларни рендер қилиб, сизга виртуал кўринишда тақдим қилади.

Техник хусусиятларга келадиган бўлсак, Quest Pro VR қурилмаси Qualcomm'нинг янги тақдим қилинган Snapdragon XR2 Plus чипсетида ишлайди ва бу аввалги Quest 2'дан кўра 50% кўпроқ қувват бера олади. Шунингдек, қурилманинг оператив хотираси 6ГБ дан 12ГБ га кўтарилган ва у 256ГБ хотирага эга. Унинг иккита LCD панеллари сизга ҳар бир кўз учун 1800х1920 пиксел резолюциясини таклиф қилади.

Quest Pro контроллерлари эса энди узукли дизайнда эмас. Аввалги VR бош кийим контроллерни кузатиш учун уларнинг узук шаклидаги LED чироқдан фойдаланган бўлса, бу сафарги янги контроллерлар кузатувчи камералар билан жиҳозланган. Шунингдек, Meta контролларнинг АА батареяларини ички батареялар билан алмаштирган, яъни уларни VR бош кийим билан қувватловчи докда зарядлаш мумкин. Бироқ, батареянининг "минуси" бўлди: аввалги Quest 2 контроллерлари қуввати 2-3 соатга етган бўлса, Quest Pro контроллерлари 1-2 соатга етиши айтилмоқда.

Meta Quest Pro учун аллақачон 1499 доллар нархда буюртма беришингиз мумкин. Уларни етказиб бериш эса 25 октабрдан бошланади.

ЎҚИНГ: Цукербергнинг Meta оламида узоқ кутилган ўзгариш