Microsoft гейминг учун махсус ноутбук тайёрламоқда
Windows операцион тизими ишлаб чиқарувчиси, Microsoft, Surface бренди остида оддий моделдан тортиб, Pro моделгача бўлган нотубукларни тақдим қилади. Улар асосан иш, ўқиш ва контент яратиш учун мўлжалланган, лекин сўнгги миш-мишларга қараганда, редмондлик компания эндиликда компютер ўйинлари учун махсус ноутбук ҳам чиқаришни режалаштирмоқда.
Prime Gaming веб-сайтида юқори даражадаги гейминг тажрибасини бера оладиган номаълум моделдаги Surface ноутбукининг техник хусусиятларини пайдо бўлди:
Таҳминларга кўра, ноутбук Surface Гаминг деб номланиши мумкин. У 165 герц янгиланиш тезлигига эга, 16 дюймли ва 2560х1440 резолюциядаги дисплей билан оддий Surface ноутбукларидан сезиларли даражада каттароқ танага эга бўлади. Капот остида эса, Intel'нинг 12-авлод Core i5 ёки i7 процессорлари, NVIDIA GeForce RTX 3050/3070 Ti график карталари ва 16/32 ГБ оператив, 256 ГБ дан 2 ТБ гача (SSD) доимий хотира мавжуд. Ноутбукнинг Core i5 модели батареяси 16 соатгача, Core i7 модели батареяси эса 15 соатгача етиши мумкин. Албатта, компютер Windows 11 (Home версияси) ўрнатилган ҳолда чиқарилади. Surface Gaming геймерлар учун экан, у 1 ойлик Xbox Game Pass Ultimate обуна билан келади.
Microsoft шу кунгача фақат маҳсулдорликка қаратилган ингичка ва енгил ноутбуклар чиқариб келган, лекин бу Surface Gaming билан ўзгарадиган кўринади. Афсуски, ҳозирча ноутбукнинг нархи ва қачон чиқарилиши ҳақидаги маълумотлар мавжуд эмас.
