Microsoft компанияси Microsoft Ocean Plastic Mouse сичқончасини тақдим этди

Microsoft компанияси Microsoft Ocean Plastic Mouse сичқончасини тақдим этди

Кеча Microsoft компанияси Surface Pro 8 билан бир қаторда, Microsoft Ocean Plastic Mouse сичқончасини ҳам тақдим этди. Ушбу қурилма учун ишлатилган пластмассанинг 20% қайта ишланган океан пластмассаларига тўғри келади. Яъни компания сичқончанинг маълум қисмини океандаги пластик чиқиндиларини қайта ишланган ҳолда ясаган.

Сичқонча Bluetooth Low Energy 5.0 боғланишига эга бўлиб, 10 метр масофадан компьютер курсорини бошқариш мумкин.

Сичқончада одатий ўнг ва чап тугмачалар бор, уларнинг ўртасида эса ғилдираксимон тугмача жойлашган. Қурилмадаги тўртинчи тугма қувват тугмаси бўлиб, уни уч сония босиб турилса, сичқонча компьютерга боғланади.

Сичқонча ўлчамлари 100.4 х 58.2 х 38.3 мм, оғирлиги эса 84 граммни ташкил қилади. Янги маҳсулот 5 октабрдан 25 доллар нархда сотувга чиқарилади.

ЎҚИНГ: Microsoft Word дастури янада ақллилашади

Сайт янгиликларидан доимий хабардор бўлиш учун Телеграм каналимизга қўшилинг!