Microsoft компютерингиз Windows 11 учун мос эмаслигини эслатиб туради
Microsoft Windows 11 учун минимал талабларни чиқарганида, миллионлаб бироз эски компютерлар уни ўрната олмаслиги маълум бўлган эди. Лекин шунга қарамай Microsoft фойдаланувчиларни эски компютерга Windows 11 ўрнатишдан тўлиқ тўсмаган ва ҳозир ҳам уни қўллаб-қувватламайдиган компютерга ўрнатиш мумкин.
Яқинда Windows 11'нинг янги версияларини синовчилар учун чиқарилган сўнгги версиясининг Созламалар иловасида агар компютер Windows 11 учун тўлиқ мос бўлмаса буни эслатиб турадиган билдиришнома чиқиб туриши инсайдер томонидан маълум қилиган эди.
Эндиликда Microsoft худди шундай "Тизим талаблари бажарилмаган" номли сув белгисини иш столи пастки ўнг бурчагида кўрсатиб туришни ҳам синаётганлиги маълум бўлди. Лекин бунинг ҳавотирли жойи йўқ, бу икки билдиришномаларни эътиборсиз қолдиришингиз мумкин ва бу сизни операцион тизимдан фойдаланишдан тўхтатиб қўймайди.
