Microsoft Snapdragon 8cx Gen 3 чипига эга бўлган ноутбук чиқармоқда
Яқинда GeekBench рўйхати янги Microsoft Surface ноутбукига оид қизиқарли маълумотни ошкор қилди. Унга кўра, янги қурилма Windows операцион тизими учун мўлжалланган ARM асосидаги Snapdragon 8cx Gen 3 флагман чипсети билан жиҳозланади.
Модель номи Surface қурилмаларининг олдинги код номларига мос келадиган кўринади, “EV2“ белгиси эса маҳсулот аппарат синов босқичига ёки ускунани текшириш тестига (EVT) кирганлигини кўрсатади. Ушбу босқичда ишлаб чиқарувчи ташқи ва ички дизайнни якунлашдан олдин аппаратдаги ҳамма нарса тўғри ишлашига ишонч ҳосил қилади.
GeekBench натижалари шуни кўрсатадики, чип кўп ядроли тестда 25 ватт қувватга эга Intel ва AMD процессорлари билан рақобат қилиши мумкин. Масалан, Intel Core i7-1165G7 GeekBench'даги кўп тармоқли иш юкларида пастроқ балл олади. Бироқ Intel ва AMD чиплари бир ядроли тестда ҳали ҳам Snapdragon'дан юқори балл тўплай олади.
