Microsoft узоқ кутилган ишни амалга оширди

Microsoft ўзининг Windows 11 операцион тизими File Explorer дастури учун узоқ кутилган хусусият - табларни қўшаётганлиги ҳақида кеча, гибрид ишлаш учун бағишланган тадбирда маълум қилди. Бу функция илк маротаба 2018 йилда Windows 10 да тест қилинган эди, лекин кейинчалик редмондлик компания лойиҳани бекор қилганди. Таблар худди браузерларда бўлгани каби ишлайди ва ҳозирча уларнинг Windows 11 учун қачон чиқарилиши номаълум.

Шунингдек, компания File Explorer'ни қайта дизайн қилган ва унга Quick Access папкалари, севимли ва яқинда очилган файлларни кўрсатиб турувчи Home бошсаҳифаси қўшилган. Эндиликда фойдаланувчилар исталган файлни ўзларининг севимлилар қаторига сичқонча ўнг тугмасини босиб, очилган контекст менюдан қўшишлари мумкин бўлади ва бундай файллар File Explorer бош саҳифасида қадалган ҳолда пайдо бўлади.

Шу ва яна Windows'дан иш учун фойдаланадиганлар учун бир қанча самарадорлик ва хавфсизлик функциялари тақдим қилинди, аммо ҳозирда тест жараёнида ва аниқ қайси куни чиқарилиши номаълум.

ЎҚИНГ: Илон Маск Twitter'га ўзгартириш киритишни бошлаб юборди!