Windows 11'дан миллионлаб одамлар фойдаланадиган қулай функцияни олиб ташланди

Windows 11'дан миллионлаб одамлар фойдаланадиган қулай функцияни олиб ташланди

Microsoft компанияси ўзининг янги Windows 11 тизимида катта ўзгаришлар бўлишига ваъда берганди ва шундай ҳам бўлди. Бироқ янги тизимдан бир нечта қулай функциялар олиб ташланган. Хусусан, файл ва ёрлиқларни курсор орқали вазифалар панелига олиб ўтишнинг имкони энди мавжуд эмас.

ЎҚИНГ: Windows 11 дизайнида янгиланган Microsoft Office тўпламини юклаб олинг!

Windows 10 операцион тизимининг вазифалар панелига бирор бир иловани қўйиш учун ёрлиқни панелга олиб ўтиш кифоя эди. Вазифалар панелига қўйилган дастурларда файлларни очиш ҳам худди шундай: масалан, фойдаланувчи Photoshop дастурини очган бўлса, Windows 10'да таҳрир қилиниши керак бўлган расмларни танлаш кифоя, уларни сичқонча курсори билан ишлаётган дастурга олиб ўтиш мумкин ва уларнинг барчаси график муҳарририда очилади. Аммо Windows 11 операцион тизимида на у, на бу функция ишлайди.

Табиийки, ушбу имкониятга ўрганиб қолган фойдаланувчилар бу функцияни олиб ташланганлигидан мамнун эмаслар. Feedback Hub платформасида кўплаб фойдаланувчилар ушбу функциянинг олиб ташланганидан ҳафсалари пир бўлганлари ҳақида изоҳ қолдирганлар.

Компаниянинг ўзи эса ушбу функция Windows 11'да ишламаслигини ҳамда фойдаланувчилар томонидан қолдирилган фикр-мулоҳазаларни ўрганиб, келажакда бундай функцияларни янада такомиллаштиришни айтиб ўтган.

ЎҚИНГ: Windows 7 тизимли компьютер ва ноутбук эгалари ҳам Windows 11’га ўта оладилар, аммо...