Microsoft яна кўчирмачилик қилмоқда!

Microsoft яна кўчирмачилик қилмоқда!

Windows'да сиз бутун тизим учун аудио овозини паст баланд қилишингиз мумкин, лекин ҳар бир илова учун овозни индивидуал бошқариш хусусияти мавжуд эмас. Шу ерда EarTrumpet номли учинчи томон иловаси ёрдамга келади. Бироқ, тез кунда Windows 11 фойдаланувчилари учун у керак бўлмай қолиши мумкин – Microsoft уни операцион тизимга кўчириб олмоқда.

Windows 11 Volume Mixer

Windows 11'нинг сўнгги тест версиясида (Insider Build 25281) тизимдаги ҳар бир илова овозини индивидуал бошқариш имконияти пайдо бўлди. Янги Volume Mixer функцияси EarTrumpet билан деярли бир хил. Маълум бўлишича, унга сиз вазифалар панелидан киришингиз ва компютерингизга ўрнатилган ҳар бир дастурдан чиқаётган овозни баланд ёки паст қилишингиз мумкин.

EarTrumpet

EarTrumpet дастурига келадиган бўлсак, у 5 йил аввал собиқ Microsoft муҳадиси Дейв Амента ва Microsoft'нинг энг қимматли мутахассиси деб топилган Рафаел Ривера томонидан ишлаб чиқилган ва у кўпинча "Windows учун етишмаётган функция" дея таъкидлаб келинади. У ҳатто Microsoft'нинг ўз иловалар дўконида Windows учун энг яхши иловалардан бири деб топилган

ЎҚИНГ: Wikipedia'нинг асосий веб-саҳифаси сўнгги 10 йилда илк марта янгиланди

Terabayt.uz сайтининг видеолари: Youtube'даги каналимизда!